سويسرا والنمسا

السلام عليكم

بنات شخباااركم ؟؟

فيدتكم بغيت الخبيرات يفيدوني بليييز والي عندها فكره

الحمدالله نحن خلاص حجزنا للسفر باذن الله سويسرا والنمسا وخلصنا من حجوزات التذاكر والفنادق
اقامتنا لمدة اسبوعين وبيكون خط سيرنا كالتالي
من البلاد ل مطار زيورخ ومنها ع طول رايحين انترلاكن وبنتم فيها 5 ايام
وعقب بننتقل ل زلامسي وبنتم بعد 5 ايام
وعقب من زلامسي ل زيورخ يومين ورادين البلاد
بس بقى لنا حجز السياره كنا قبل خلاص معزمين ع السياره ودورنا فالمواقع وحصلنا
بس كلمت وحده يعني من باب اخذ رايها ؟ وشارت علي ما ناخذ سياره
تمت تقولي لا والقطارات احسن وان التنقل فيها ابسط واسهل وارخص وانا احترت من بينهم
وقالت لي ان الباركنات صعبه وتكلف وبعد رسوم الطرق وغير البنزين وشي تذاكر للقطارات لاروبا كلها ومن هالكلام امممم انا الصراحه احترت
بس ريلي ما عنده مانع ياخذ سياره وجهة نظره ان متى ما بغينا نوقف بنوقف وما نتقيد بمواعيد واوقات
بس انا ابا شوركم ؟؟

.

.

قطارات ولا سياره ؟؟؟
..

بليييز افيدوني واللي عندها جدول مرتب للدولتين هذيل من اماكن سياحية وجي بليز تسدحه وبدعي لها ^^

حبيبتي زيلامسي معظم الفنادق الباركن مجاني ..

وتراج اول ما تردين زيورخ ردوا السيارة على اقرب مكتب و استخدام الترام فيها او الباص ممتع

لكن في زيلامسي .. وجود السيارة امر ضروري للتنقل الى المناطق المجاورة والاستمتاع بالمناظر وحتى في انترلاكن .. لان من انترلاكن دامكم تامين 5 ايام يبالكم تزورون مدينة لوزيرن.

مع الشكر .

مشكوره اختي ع الرد يعطيج العافيه

ما ادري عن زلامسي بس اللي لاحظته ان اغلب فنادق سويسرا في جارج ع الباركنك اثناء الاقامة حتى

وزيورخ بنتم فيها بس اخر يومين وقلنا يمكن نحتاجها ف بنخليها
يعني انتي تشورين ناخذ السيارة .. وان شاء الله والله يكتب بنروح لوزيرن ^^

بالتوفيق

السياره احلى بوايد ماتتقيدون بالوقت وتاخذون راحتكم
خاصه المناطق اللي ذكريتها انترلاكن وزلامسي وماحواليها يبالكم سياره لتنقل اسهل واحلى
ولو تسوين لج سيرج عالمناطق المجاوره وتستخدمين النفجيشن باستخدام الاحداثيات له متعه ثانيه
اخر سفره لي خذنا سياره وكانت صدق احلى سفره