السلام عليكم ورحمة الله وبركاته
بنات انا الفتره الأخيرة زاد وزني بزياده لعدم إلتزامي بالحميه الغذائية اللي اسويها لأن ما عندي حد يحمسني ويشجعني على الإستمرار
ومن فتره كنت افكر اروح لعيادة الدكتور نيوترش لكن كل مره تصير لي ظروف وما اسير ..
والبارحه قررت بأني ارووح واشترك عنده ..على أساس اني التزم بالرجيم ..واتابع وزني اسبوعيا عند الدكتور عشان احصل دافع معنوي كبير يشجعني على الإستمرار
فــ يوم رحت له ..اشتركت عنده لمدة شهرين بـ 750 درهم
والدكتور قالي بأن اول اسبوع في الرجيم هو اهم اسبوع لأن الوزن ينزل به بسرعه
وقالي بأني استغل الفرصه واحاول انزل قد ما اقدر
وهو عطاني نظام غذائي بس انا ما عيبني.. وقلت بسويلي نظام غذائي بنفسي ههههه اللي هو
3x3x3x3 ورتبت الجدول البارحه بلليل..وسويته
3 ايام فواكه
3 ايام روب
3 ايام خضار
3ايام لحوم
واليوم اول يوم لي في الرجيم والحمدلله احس نفسي مرتاحه والإراادة قويه والله يديمها ان شاء الله
وتريقت عصير بطيخ احمر والغدا بعد نفسه والعشا بعد بطيخ احمر بس بقصصه مربعات
وكل يوم بكتب لكم يومياتي عشاان تشجعوني ..على فكره محد يدري من اهلي اني اسوي رجيم وابي
اضعف من غير لا يحسون هههههه ولا تنسوني بدعواتكم لي بالتوفيج
مع السلامه
يارب تنزلين والوزن لى تبغية
ع فكرة نظامج خطاااااااااااااااااااااااااء
عيل ليش رحتي نيوترش اذا بتسوين نظام لحالج ؟؟؟؟؟؟؟؟؟؟؟؟؟؟؟؟؟؟؟؟؟
يمكن تنزلين بسرعة لكن بتردين الوزن بسرعة
وربيعة اختي سوت نظام الفواكة
وعقب الله يحميج ويحمينا استوي فيها سرطان الثدي
نصيحة امشي ع نظام الدكتور
3 ايام روب
3 ايام خضار
3ايام لحوم
غلللط X غللللط ..!
اتبعي رجيمهم احسسسن 
هذا انتحار مش رجيم
حبيبتي الدايت مب يعني حرمااان
خفيفي من اكلج وعليج برياضه
وبتضعفين خلج
من هالرجيم وخفيفي من اكلج
وربي يوفج