شاكة أني حامل – متى اقدر استخدم فحص الحمل المنزلي؟ ساعدوني

السلام عليكم ورحمة الله وبركاته

شخباركم خواتي؟ ان شاءالله بخير

أنا صارلي معرسة من 6 شهور بس وساكنة فبيت ريلي والحالة المادية شوية صعبة

نبغي نطلع ونسكن رواحنا يوم الله بيقدرنا , المشكلة شاكة أني حامل والوضع الحالي مايسمح لان توني معرسة ونبغي نتهنى وثاني شي نبغي نجهز مكان حق البيبي بعدين

اللي ابغي مساعدتكم فيه ، كيف أقدر افحص لان مر على الموضوع 9 أيام , ولاتقول فحص دم لاني اخاف ابر , اللي ابغي اسأله متى أقدر أستخدم فحص الحمل المنزلي ؟ هل لازم يمر على الموضوع 15 يوم وعقب افحص ؟ وماقدر اتريا لين ثاني دورة عشان أتأكد

لا عزيزتي مايبي في التحليل إلا إذا عدى موعد الدوره
اصبري والله ييسر أمورج

بتبين النتتيجه على طووول

تبين النتيجه عاادي من تتآخر عليج ..

حبيبتي تاريخ كم كنت اخر دوره لج وان شاءالله نقدر نفيدج

آخر يوم للدورة كان تاريخ 10 / 11 /2017 وفهاليوم صار الجماع وسألت الدكتورة قالت احتمال يصير حمل

واليوم تاريخ 19/11/2017 يعني مرت عسالفة 9 ايام للحين , بس مافيني اتريا لين موعد الدورة الياية

والصيدلية قالو بعد اسبوعين تقدرين تستخدمين فحص المنزلي وبيبين عندج وبعض ربيعاتي قالو ماينفع لين ماتتاخر عليج الدورة وعقب تفحصين