شغالتي الجديد first time

انا من شهر يايبة شغالة فلبينية بس المشكلة انها فيرست تايم يعني اول مرة تشتغل

وخلال هالشهر وانا احاول اعلمها واحس انها ما تفهم هي من الاساس شكلها اهبل

يمكن لان عمرها 21 يعني صغيرة .. امس قهرتني توسخت الارضية عصير قامت

تمسحها بكلينكس وهذا جدامي عيني عينك يعني من وراي الله يعلم بتزبل البيت شكلها

وبنتي عمرها 4 سنوات احس انها مول مب متقبلتنها .. ما تحبها وما تخليها تسوي لها

اي شي .. وكل ما اقولها لا تسوي هالشي .. بعد ثواني ترد تسويه .. بس هي حابه انها

تشتغل وشكلها عبيطة يعني مب قصدها تعاند او تتغيشم .. لا هي ما تفتهم بسرعة

يعني احس ان يبالها سنة لين تتعلم او يمكن اكثرر .. متغصصة ومب عارفة شو اسوي

اخليها وعلى قولة المثل – اصبر على مينونك لا ييك اللي اين منه – او ارجع المكتب