شوفوا شو صارلي في بنك دبي الاسلامي

خواتي بليز ساعدوني انا عندي مشكلة مع بنك دبي الاسلامي فرع الجورهة أبوظبي ،، شهر 10 عطيتهم عرض سعر سيارة واتأخروا علي أكثر عن 3 اسابيع لا يتصلون ويوم أتصل فيهم ما يردون أطر آخذ إذن من الدوام واروح أكثر من 5 مرات رحت كل مرة يردرون من غير جواب بس يقولون لي اتري المهم السيارة كانت انباعت ،،، قلت لعله خير يوم مع اني كنت عطيتنهم كل الاوراق والشيكات المهم ما لغوا المعاملة من السيستم مالهم يوم رحت اقدم معامله ثانية أول ما رحت لهم اللي سوتلي المعاملة الأولى قالت قدامي حق وحدة ربيعتها انا ما أبا امسك هالمعاملة خذيها انتي وانا يالسة عندها بالمكتب المهم عطت أوراقي حق البنت اللي عداليها عقب ما عطيتها الأوراق رحت لها اليوم الثاني عسب كاني في ورقة ناقصة قالت خذي هالفورم عبيه قلتلها دخلتي المعانملة في السيستم قالت هيه مع ان الفورم اللي كنت اعبيه في بياناتي الشخصية اذن كيف هي تقول اتها دخلت المعاملة ؟؟؟؟؟؟؟؟؟؟؟؟؟

وبعد يومين تميت ادق وادق لها بس ما كانت ترد علي اتصلت بالفرع الرئيسي بدبي قالوا بعدها ما طلعت الموافقة ،، خذت اذن ورحت البنك ويوم سألتها قالت لي اتريي نن قالت لها يعني متى ممكن تطلع الموافقة ضحكت بستهزاء وقالت لي هبي نيو ييير happy new year ،، قلت لها ممكن بطاقتج عسب أتصل وأسأل شو صار قالت : اننا ممكن أعطيج البطاقة بس انا ما راح أرد عليج خير شر لآن عندي مشكلة في أذني؟؟؟؟؟؟؟؟؟؟؟؟؟؟؟؟؟؟

اتصلت بالفرع الرئيسي قالوا المعاملة مرفوضة لان في اقساط السيارة الأولى واللي اصلا ما خذتها واللي عميلة البنك اللي دخلتها قالت ما ابا امسك المعاملة ،، شووووووووووووو هاد بغيت اشتكي كل حد اكلمه في الفرع الرئيسي يحولني لشخص ثاني .