شو اخذ عن الاحتقان

خواتى فيني احتقان وصار له اسبوع ومعذبني شواستخدم غيرلان صار لي اسبوع اخذ الدوا وعلى فكرة مناعتي ضعيفه ع طول امرض

ماجوفين شر إن شاء الله أجر وعافيه الغاليه عليج بالبصل الأبيض وايد بيفيدج

سوى لج مضمضه تتكون من ليمون يابس+ملح شويه يعنى تتحملين تتمضمينه خليه يفور لين يلين اليمون ,خليه يدفى عقب اتمضمضى فيه تقريبا 4او5فى اليوم سبحان الله شوفى كيف بيخوز عنج الاحتقان .بعد تقدرين اسوين شاى اخضر وتعصرين عليه قطرات من اليمون الحامض وملعقة عسل وتشربينه كم مره فى اليوم 3او4وايد زين سبحات الله مثل المضاد.وان شا الله ماتشوفين شر.

قطعي زنجبيل شرايح صغيرة وااكليهم( بيحرقج شوي) بس وايد زين
او اغلي حليب مع زنجبيل واشربيه
وبالشفا انشا الله

سلامات ما تشوفين شر
زنجبيل وايد زين وتغرغري بماي وملح

سلاماااات .. لو ما رااح عنج لازم تزورين المستشفى

عن نفسي اشرب شاي زنجبيل او شاي زعتر

واخذ كل 3 ساعات استربس
والحمد لله راح الاحتقان بس باجي الكحه والزجام