السلام عليكم ورحمة الله وبركاته
يا جماعة انا احين في الشغل ومب قادره اركز في شي لأني وايد وايد وايد ضايجة من منو يا ناس من اختي الي هي من امي وابوي بدخل ف الموضوع بسرعه بس لازم اعيشكم الجو وياي اول شي والله احاول اضحك عمري شوي؟؟؟
اوكي اختي من فتره ماترمسني عدل ومنجلبه علي وانا والله والله الشاهد عادي عندي بس هي مول ماترمسني والمصيبه انها وياي في نفس الغرفه اتخيلوا الموقف عاد.
انا من معارفي عرفت انه من اربيعتها هي الي جالبتنها علي ولا تقولون شو هاليهال لان والله مب ياهل هي عمرها29 وانا 24 يعني مب يهال بس هاي اربيعتها مغيرتنها علي لأنها ما ادانيني.
السالفه بعدها ما يتكم اصبروا علي شوي:
البارحه شفت اختي ويا اربيعتها في مكان وانا واربيعتي بالصدفه كنا ف نفس المكان واربيعتي ما شافت اختي وما سلمت عليها وانا شفت اربيعة اختي وسلمت عليها واتخيلوا جلبت ويها عني وانا لحقتها مب عشان شي لأني ماده ايدي مابا اقفط والمصيبه اختي ماشافت الموقف وطبعا مابصدقني اختي لو قلتلها .
انزين يت البيت وانا يالسه قامت وهاجمتني وظاربتني والسبب والله ليش اربيعتج ماسلمت علي وحليلها اربيعتي اتخيلو عايرتها وماخلت شي عليها لا خلت اصلها ولا خلت اهلها قطعتها تقطيع وانا مب عارفه شو اقولها بس اصارخ اقول اي شي والله ماعرف شو اسوي احس بموت البنت طيبه ليش جي تغلط عليها والبنت من 5 سنين وياي هاي البنت ويا اختي من سنتيناحس منقهره ولا تقولي اذا يت اربيعتي البيت بروغها وبسحبها من شعرها والله ماعرف شو بلاها اختي احس بموت من القهر. غامضتني صديقتي سبتها سب ماخلت شي عليها.
شو اسوي ساعدوني؟؟؟
يا جماعة انا احين في الشغل ومب قادره اركز في شي لأني وايد وايد وايد ضايجة من منو يا ناس من اختي الي هي من امي وابوي بدخل ف الموضوع بسرعه بس لازم اعيشكم الجو وياي اول شي والله احاول اضحك عمري شوي؟؟؟
اوكي اختي من فتره ماترمسني عدل ومنجلبه علي وانا والله والله الشاهد عادي عندي بس هي مول ماترمسني والمصيبه انها وياي في نفس الغرفه اتخيلوا الموقف عاد.
انا من معارفي عرفت انه من اربيعتها هي الي جالبتنها علي ولا تقولون شو هاليهال لان والله مب ياهل هي عمرها29 وانا 24 يعني مب يهال بس هاي اربيعتها مغيرتنها علي لأنها ما ادانيني.
السالفه بعدها ما يتكم اصبروا علي شوي:
البارحه شفت اختي ويا اربيعتها في مكان وانا واربيعتي بالصدفه كنا ف نفس المكان واربيعتي ما شافت اختي وما سلمت عليها وانا شفت اربيعة اختي وسلمت عليها واتخيلوا جلبت ويها عني وانا لحقتها مب عشان شي لأني ماده ايدي مابا اقفط والمصيبه اختي ماشافت الموقف وطبعا مابصدقني اختي لو قلتلها .
انزين يت البيت وانا يالسه قامت وهاجمتني وظاربتني والسبب والله ليش اربيعتج ماسلمت علي وحليلها اربيعتي اتخيلو عايرتها وماخلت شي عليها لا خلت اصلها ولا خلت اهلها قطعتها تقطيع وانا مب عارفه شو اقولها بس اصارخ اقول اي شي والله ماعرف شو اسوي احس بموت البنت طيبه ليش جي تغلط عليها والبنت من 5 سنين وياي هاي البنت ويا اختي من سنتيناحس منقهره ولا تقولي اذا يت اربيعتي البيت بروغها وبسحبها من شعرها والله ماعرف شو بلاها اختي احس بموت من القهر. غامضتني صديقتي سبتها سب ماخلت شي عليها.
شو اسوي ساعدوني؟؟؟
الله يهدي اختج ان شاء الله انتي اسكتي احسن ولا تستعيلين في الكلام وياها ولما تهدى ويطوف كم يوم سيري رمسيها واشرحي لها الموقف وان شاء الله تفهمج
في النهاية انتوا خوات ومالكم الا بعض
في النهاية انتوا خوات ومالكم الا بعض
حبيبتي انتي تريي شوي عليها لما تهدأ وعقب قوليلها ممكن نتكلم……. عالأقل 5 دقايق وحاولي انها توافق………. وعقب قوليلها ترمس ………. انتي بس اسمعيها ………. لا تقاطعينها حتى لو قالت شي غلط
وعقب ما تخلص كلامها……………. انتي ارمسي وصلحي المعلومات الخاطئه اللي عندها
وان شاء الله ربي يصلح بينكم يا رب
والسموحه
حاولت يا جماعة ماشي فايدة انا سويت كل الطرق لدرجة شكيت وقلت مسوتلها سحر اتغيرت 180 درجه وحدة ثانيه مستويه
صح ما بينفع تتفاهمون الا وهي هاديه
اتصدقين انا من عمرج وعندي اخت من عمر أختج
مول ما عرف اتفاهم وياهاا الا وهي هاديه
تعطيني مجال اني ارمسها واقولها راي بأي تصرف اتسويه
يه تحاولين انج اترابعين اربيعتها او انج تبتعدين عنها عشان علاقتج مع اختج ما تتوتر بسبت وحده غريبه هذا رأي..
اتصدقين انا من عمرج وعندي اخت من عمر أختج
مول ما عرف اتفاهم وياهاا الا وهي هاديه
تعطيني مجال اني ارمسها واقولها راي بأي تصرف اتسويه
يه تحاولين انج اترابعين اربيعتها او انج تبتعدين عنها عشان علاقتج مع اختج ما تتوتر بسبت وحده غريبه هذا رأي..
المشاركة الأصلية كتبت بواسطة الغلـــــا 
هاي اختج الكبيره ^^
كلميها بالطيب بابتسامه
هاتيلها ورده ^^
ليش تستحون من هالسوالف
تراها هالهدايه البسيطه تقرب الاخوان من بعض ^^
حاولي تسويلها شي حلو وعقب فهميها باسلوب حلو فديتج