شو الاكلات المناسبه للعمليه القيصريه؟؟

مرحبا سيدات…..

منو عندها خبره بالاكلات ومشروبات للعمليه القيصريه….عشان الجرح يخف بسرعه؟؟

لاني من اسابيع ربيت بقيصريه…ودايما تستويلي غازات………..

الحمدلله على سلامتج..

أختي الحمدلله على سلامتج ومبارك ماياج .
بالنسبة للأغذية اللي تسرع التئام العملية هي الأغذية الغنية بالبروتين والأحماض الأمينية , مثل اللحم والسمك والدجاج , ولاتنسي شربة الدجاج ( اللي تتسوى في البيت من سلق الدجاج مب الجاهزة ) تكون مغذية مفيدة . وأيضاً الخضروات والفواكهة علشان الفيتامينات وبالذات فيتامين سي , اللي له دور في التئام الجروح ونمو اللحم وتقوية المناعة . ولكن بشكل عام الغذاء المتوازن هو الأساس . بالنسبة للغازات , ابتعدي عن البقوليات والبصل والملفوف والبروكلي والقرنيط والفلافل .والحليب البعض يسوي لهم غازات والبعض لا . أشربي ينسون وكراوية وشمر , ولا تنسي تشربي على الأقل 8 أكواب من الماي ,لأن الماي ضروري لالتئام الجرح ولمنع الجفاف ومنع الإمساك والمساعدة على الهضم وشرب الماء بكمية كافية مهم جداً للمرضع .صح نسيت : الحلبة مفيدة جداً ولكن قد تسبب عسر هضم وغازات للبعض .

اب اب اب

الحمد الله على سلامتج بالنسبة حقي انا كنت اكل أي شي والحمدالله كل شئ تمام وانبرى الجرح والحمدالله بس اهم شئ أني أنظف مكان الجرح …..

اختي شوربة الخضار منيحة كتير واهم شي ما تاكلي اكلات بتعمل غازات متل البطاطا والملفوف والبصل و الزهرة والحمص والفول والفلافل اشربي كمون بطرد الغازات كتير منيح