شو رأيكم بالزواج عن طريق الانترنت؟؟؟

السلام عليكم…..

هلا والله وغلا بأعضاء منتدى سيدات الامارات

بصراحه في موضوع مهم جدا حبيت نتناقش فيه اذا ماعندكم مانع….

طبعا الموضوع مهم للغايه ……..
شو رأيكم بالزواج عن طريق الانترنت؟؟؟

سؤال شوي غريب بس مهم للغايه…
أتوقع أن الغالبيه بيقولون لا وهذا شي مرفوض ……
طيب لو قلتو لا ليش؟؟
واذا قلتم ممكن بعد ليش؟؟

هل عندك استعداد تتزوج وحده أو تتزوجين واحد عن طريق النت؟؟

هل من الممكن ان تستمر علاقتهم كزوجين صالحين لتربيه أجيال المستقبل؟؟
هل تحدث المشاكل؟؟؟
أم تكون حياتهم كبقيه المتزوجين؟؟
كيف ستكون حياتهم بالمستقبل هل يشوبها الشك ؟؟

طبعا ياليت كل وحده تعطينا رايها لأني بحاجه لمعرفه وجهات النظر المختلفه لكل وحده….. مع خالص تحياااااااتي….

اعرف وحده من عايلتنا عرست من هالطريج والحمدلله مرتاحه ويمكن الحين من سنتين وهاي الثالثه ^^ ويحبون بعض مووووووت ربي يخليهم لبعض

لا ما انصحج بهالشي

وهالطريج مدمر لحياة الوحده وخاصه في هالزمن

بتقولين اوكي في وايد سمعنا عنهم اتزوجن عن حب واكن عايشات مرتاحات

هالشي بالصدفه ونادر

صدقيني حبيبتي لازم بيكون في شك
والحب بينتهي عقب لانه ساسه غلط

حراااااام
و
غلط
و
عيب
و
مب موثق
و
بدون شروط الزواج
و
حقج بيضيع
و
مستقبلج بيضيع
و
عدم الأمان
و
عدم الاستقرار
و
غضب الأهل
و
غضب الرب
و و و و و و مليوووووووووووون شي،،، شو تبين تسنعين عشان تقتنعين إنه منكر في منكر من عمل شياطين الإنس؟

يعتمد ع شخصيه الاثنين

والله هالشي يعتمد ..

بس مجرد انهم تكلموا مع بعض على النت يخلي الشك يسري في القلب .. !!

وحتى نظرة الناس والاهل تكوون مب حلوة .. لان هالشي فيه اشهااار انهم كانت بينهم علاقة .. وهالشي بحد ذاااته مدعاااه للكلام والقيل والقال .. هذااا غييير اختلاااف الثقافات بين اهل الريال والحرمة .. اللي رووحه ممكن يسوي بلاوي مب بس مشاااكل ..

انا سمعت عن زيجات نجحت .. لكنها نادرة .. واستمرارها يعتمد على شخصية الاثنين ..

عن نفسي .. ارفض هالنوع من الزيجات .. لانها باختصاار دخييلة وتشجع على الحراام والعلاقات غير الشرعية ..

الله يسترررررر عالكل ..

انا بعد ما اشجع الزواج من النت
كله نصيب والله كل وحده فينا راح ايي نصيبها لا تستعيل عليها بس
الدعء بالزوج الصالح والله يرقني ويرزقكم البنات الزوج الصالح(آمين)