شو رايكم بالعلمي والادبي

شحالكم عساكم بخير ؟!

حبيت استشيركم بشي انا رايحة ثاني ثنوي ودشيت علمي
وللحين اقدر احول للادبي اربيعاتي الي راحو ادبي يقولون
العلمي صعب ومن هالكلام وانا احس باحباط واربيعاتي الي
ف علمي يقولون اسهل وانا ابا نصيحتكم وابا اصلي صلاة الاستخارة ان شاءالله

السلام عليكم ورحمة الله وبركاته .
شحالج حبيبتي ؟؟ نحن بخير ولله الحمد ..
شفي حبيبتي كل واحد وقدراته وميوله ومفروض ادشين القسم الي تبينه للتخصص وإذا تميتي تسمعين كلام الناس ما بتخلصين ..
يعني الحين لو بنت يت من أدبي ما بتقدر تتأقلم ويا العلمي صح ؟ وإذا يت بنية من علمي ما بتتأقلم ويا الأدبي ..
أهم شي فكري مرة مرتين ثلاث عشر امية ..
وصلي إستخاارة وجفي شو الي يريحج ..
بالنسبة لي أنا داشة أدبي وأنا شراتج سايرة ثاني ثانوي ودشيت هالقسم لأني تخصصي في المستقبل في هالقسم ..
والله يوفقج حبيبتي.. ودعـــــــــواتج .

نصيحتي لج (وعن تجربه) شوفي درجاتج في المواد العلمية في الصف العاشر وبالذات في الرياضيات و الفيزياء , إذا كانت جيدجدا وفوق .. توكلي على الله وتمي في العلمي .

[COLOR="Red"]الغالية الواحد مستويات في البداية صفي ذهنج من قيل وقال أهم شي انتي شو ميولج و شو تحسين مستواج في التعليم انا كنت بنت علمي بصراحة كانوا يقولون علمي فهم وادبي حفظ
بس حسيتهم نفس الشي و هذا على حسب ميولج ما بقص عليج وبقولج علمي ما في شي بس بصراحة خليج واقعية انتي شو تبين تكونين في المستقبل عشان تطاعين انتي شو لازم تخلين
انا بصراحة انصج بعلمي لانه وايد مطلوب و يوم سرت الجامعة حسيت كل المجالات تتقبل علمي اما الادبي فلة مجالات معينة
و بعد صلي استخارة احسن شي
وسموحة على القصور

هيه صح جوفي درجاتج وعلى حسب المواد وميولج

انا كنت داشه علمي تعرفين ليش ؟؟ لانيه كنت اكره التاريخ احب كل المواد الادبيه الا التاريخ ماحب الثورات والتواريخ والحفظ وفي العلمي كنت الحمدلله مشيه حالي بس لازم تذاكرين اول باول والله اللي خرب علي اني ماكنت اذاكر اول باول وتنتبهين في الحصه اهم شي ..

والحين ماشي فرق بين الادبي والعلمي استوى الادبي موادهم اكثر عن العلمي..
بس المستقبل في العلمي يعني انا نص ربيعاتي ماقبلوهم في الكليه ونسبهم عاليه كلهم في الثمانين والسبعين
وادبي بس نحن بنات علمي كلنا قبلونا لان اول شي ياخذون بنات علمي وعقب بنات ادبي وما يهتمووون في النسبه..

بالتوفيج غلاي ..

حبوبه انا عن نفسي داشه علمي صح يباله شغل ودراسه ومجابل بس بعد مستقبلا بينفعج العلمي لانه فالجامعه تقدرين تتخصصين تخصصات وايده .. بس الادبي لازم شي فالبزنس ادارة اعمال وعلى حسب ميولج انتي مثلا تحبين الحفظ ولا الفهم .. الادبي حفظ والعلمي فهم