شو رايكم تصفون العيال ورى بعض؟!ولا كمن سنه من بينهم؟!!

السلام عليكم ورحمة الله وبركاته

اشحالكم بنات^_^

شو رايكم انتوا في هالكلام؟!

وحده اتقولي!

احسن شيء اييييييييبهم ورى بعض وافتك
وماشاءالله هي مطبقه هالشيء الله يحفظها عندها 2 والثالث في الدرب
وماشيء بينهم وتفكر باللي بعده
اتقول اربيهم كلهم مره وحده
ويكبرون مع بعض
وبعدين انا اعيش حياتي
اقدر اسافر اقدر اشتغل اقدر ادرس
وكل ما اخرت كل ما زاد عمري

ووحده اتقول؟!

لا
اقل شيء بينهم سنتين ولا 3
عشان اعطي كل ياهل حقه في التربيه من رعايه وحنان
وفي نفس الوقت اريح جسمي
واقدر احافظ على نفسي وجمال جسمي
والحمل ورى بعض يخرب الجسم( صح ولا هالشيء))؟؟؟؟
اذا حملت ورى بعض ما بحصل وقت اجابل عمري ولا ريلي

هو صح كل شيء بيد رب العالمين
انتوا شورايكم

مع منو!؟

والله يرزق كل محرومه
الذرية الصاااااااااااااااااااالحه يااااااارب

اللهم اجعل ابنائنا صالحين عابدين مؤمنين

انا اقول بين كل واحد 4سنين علشان تاخذين راحتج..

شوفى الغالية انا اول ما تزوجت ظلت 4 سنين حتى خلفت وكان الشيء دة من عند رب العالمين يعنى انا وزوجى 100 % طبيعيين وما فى اى موانع بس كانت ارادة ربنا وخلفت بنتى الاولى وبينها وبين اختها 4 و23 يوم .
فمن الافضل انك تخلى فاصل بينهم علشان تقدرى تخالى بالك منهم وتحفظى على جسمك وبعدين حبيبتى متسقبلا حتلاقيهم كلهم ورا بعد يعنى كل سنة عندك ثانوية عامة هتكون صعبة جدا عليك.لان انا واخوتى واخويا كنا ورا بعض فكل سنة ماما كان عندها ثانوية عامة هلكت بصراحة.

انا في فرق بين عيالي

بس كنت اتمنى اني اييبهم ورا بعض يعني فرق سنة ونص الى سنتين

حلاته يكبرون ويكونون ربع

مب لازم اييب 10 اطفال حتى لو 4 بس مع فرق بسيط جدا

هذا كله من رب العالمين…انا عن نفسي يبت ولدي وكنت ناويه احمل عقب مايدخل الروضه وكنت رافضه فكرت اني احمل بس الحمدلله على كل حال الحين حامل بالبيبي الثاني فهذا الشي من رب العالمين….

اما انا عندي بنوته عمرها سنه ونص وما مفكره ايب عيال لين ما تغدي بنتي 4 سنوات…………

انا بنتي عمرها سنه و شهر تقريبا….ابغي احمل الحين بس لاني يبتها بقيصريه قالولي مب زين …باتريا لين ما اتكمل سنتين وعقب ان الله راد باحاول احمل