شو رايكم فاللي تخلي عيالها الصغار يسيرون المدرسه ويا السايق بروحهم !!

مرحبا خواتي

شو رايككم فهالموضوع

انا ما اامن الصراحه كيف اخلي عيالي سواء كانوا صغار ولا حتى 7 – 10 سنوات يسيرون ويا السايق بروحهم
الله يحفظ عيالنا من بلاويهم

الله لا يحوجني لهذا اليوم بس انا ضد الفكره ذكرتيني بموقف شفته يوم كان عندي مقابله لولدي كان في شهر 2 استنى ايي دوره فالمقابله والعيال ال كي جي توهم كانوا مخلصين شوي شفت واااحد داخل شعره طويل الين كتفه ولابس سفره ياي يشل الولد في بالي يالسه اقول الله يعينا اذا الآباء جذا شعورهم مخلينهم لا تلوم باجر تصرفات العيال المهم وهوه ظاهر انصدمت يوم خطف عدالي طلع دريول باكستاني طبعاً عرفته من لبسه والولد يزقره باسمه يعني ما قاله بابا والا ابوي والله قلبي عورني ع الولد وتم قلبي مقبوض من النظر شكله اول ما شفته قلت هذا لعاب كيف وهوه دريول ..
يارب تستر علينا وعلى عيالنا وتحفظنا وتحفظهم..
بس للاسف ع هالمشاكل والناس بعدها ما تحرص الله يعينا بس ..

ضددد الشي ..

أقولها اتقي. الله فالأمانة اللي. الله عطاج اياها. حتى لوالدريول عندج من عشرين سنة ​‏​لِْـِّْƔ̤̣̈̇ـِّْاِْ تإمني اعيالج عليه. شٌٌٌـٌٌٌٌـٌٌٌـــSHOـــٌٌٌــٌٌٌٌوٌٌٌ بيستوي فيني إذا شليت عمري كل يوم أنا والشغالة وركبنا ويا الدريول ودينا العيال المدرسة.ع الأقل بيحس حد وراه. وللا هالياهل الفقير اللي لاحول له ولاقوه شٌٌٌـٌٌٌٌـٌٌٌـــSHOـــٌٌٌــٌٌٌٌوٌٌٌ ذنبه يستوي به جذه الله يهدي بعض الأهل.
فيني حرقة أبا أظهرها لو رمست من الحين لين باجر مايكفيني

الله يهديهم ويصلحهم

هيه والله حتى لو السايق او السايقه طيبين من الظاهر وماعليهم كلام الله يعلم بالنوايا

اغلب الجرايم اللي نسمعها دوم الاهل يقولون ان البشكاره او السايق كانوا زينين

انا قبل لم اخد بنتي من المدرسه الابتدائي من اول لين سادس بس اكثرهم دريولات يخدون البنات جدامي يودها من ايدها ويسوالف وياها وانا بموت من القهر طبعا الام مرتزه في البيت والاب مشغول عن عياله وربي قهر انا خديت ليسن بس عشان بنتي الوحيده عيل اللي عندها اكثر من ياهل وتجلس في البيت وطرش الدريول شو اقول عنها حرام ربي رزقها بالنعمه غيرها يتمنوا

معقول لين الحين في امهات غافلات عن هالشي!