فديتكم ممكن اتفيدوني اذا في حد سار الصين كسياحه ومع أطفال وشو الأماكن الحلوة اللي فيهاا
ياريت اتساعدوني قاعده أخطط لاجازة الشتاء,,,,,,,,,,,,,
من ناحية الصين حسب المنطقة الي بتسيرين لها
انتي وين مقرره تسيرين اي منطقة
اذا كوانزو ما انصحج فيها خير شر ماتنفع حق اليهال ماشي العاب فيها هي منطقة تجارية
اذا شنقهاي هي وايد حلوة بس بتملون فيها اكثر عن 4 ايام
اذا مكاو ما انصحج فيها مافيها العاب صدق انها واااايد نظيفة وراقية بس كل فندق فيه كازينو واذا تبين تسيرين من اللوبي لين مكان الغرف لازم تسيرين على الكازينو وهم اصلا يمنعون الاطفال تحت سن 18 يدخلون
انا انصحج بــ ( هونج كونج ) فيها اماكن سياحيه حلوة
انا رحت كوانزو و الغرض من الرحله سياااحي
فيها حديقة حيوانات كبيييره في وسط المدينه
و فيها اكبر ملاهي في شرق اسيا مع سفاري و حديقة حيوانات حذالها و هاي تبعد ساعه عن المدينه و رحتها عن طريق المترو لكن فيه تبديل محطات يعني ما ينفع مع يهال الا اذا تكسي من الفندق
و فيها منتزه اشجار وورود مال تمشي لكن روعه المكان
يعني اذا بتقسمين رحلتكم 4 ايام كونزو و 4 ايام هونغ كونغ لانه تروحيلها بالباص او قطار نص ساعه فرق لانه هونغ كونغ فيها دزني لاند و سوقهم احلا بعد ^^
انا ابا احط تقريري لكوانزو بس ما حصلت وقت ><
و لازم تسالين عن الفيزا لانه بتحتاجين فيزتين اذا الصين و هونغ كونغ لانها تعتبر دوله
كم ساعه سفر من ابوظبي للصين؟؟؟؟؟؟؟
ومدة الرحله من أبوظبي لهونغ كونغ تقريبا 7 ساعات
أنا بغيت اعرف شو جو الصين شهر 1 لاني ان شاء الله بروح لها والي عندها صور ونصايح ياليت تفيدنا لو عالخاص. والسموحه