خواتي انا حاليا فالاسبوع 37.. ومب حاسة غير بمغص يروح ويرد..
وساعات احس فالمنطقة اللي تحت جنه شي يشد ولا جنها مخيوطة شي جييه.. ما عرف كيف اوصفه ><
وانا بس امشي نص ساعة وايلس يلسة الحمام العربي.. وعقب اليلسة احس بثجل تحت وجنه البيبي بيطلع..
افكر امشي ع البحر بس اخااااااااااااااااااف.. شو فايدة المشي ع البحر..؟؟وشو نصايحن لي خواتي..؟؟
علما اني ما اشرب اشياء حاارة ابدا.. بس مفكرة اذا ياني الويع والنفس فاتحة لو 2 سانتي اشرب الخروع.. محتاااية لنصايحكن..؟؟
دعواتكن لي اني اربي طبيعي وولادتي تكون سهله..
اشربي ماء مع الزعفران او حليب بزعتر والجرفه ولااا شربي الجرفه برووحها وقت الولاده
وان شاء الله الاخوات بعد يفيدونج الله يسهل عليج ولادتج …..
عشان الرااااحه النفسيه … قالت لانه هوا البحر والمشي يساعد ع الاسترخاء وزيين للحامل
وقالت لي خذي دش دااااااافي وخلج ريلاكس ع الاخر
وقالوا لي لاتشربين لا زعفران ولا خرووووع
وعلى فكره الخروع مايسوي شي غير انه يزيييد المغص ويسهل
مع اني كنت ناويه اشرب ماي ورد وزعفران لانه الكل نصحني فيه بس الحين بسمع كلام الدكتوره ومابشرب بس قالت اذا ياج الووويع خلج تحت ماااااااي داااااافي واذا تم الالم يزيد وخلاص صرتي ماتتحملينه تعالي
والله يسهل علينا اجمعين
ادعوا لي خواتي اربي لانه خلاص عديت وعطوني موعد حق الطلق الصناعي بس انا مابرووح لانه في ولادتي الاولى تعبت من الطلق
وان شاء الله من يبدأ عندج الويع خذي حمام دافي وخلي رشاش الماي يضرب على ظهرج وان شاء الله بيخفف عنج الالم …
وعن انج اتخلين ريلج يمشي بالسيارة على الحصا او الرمل ..لا وألف لا … لانه خطر عليج وعلى البيبي لانه ممكن يسبب هبوط في الرحم لا سمح الله …