شو من الكريمات تستخدمن؟؟؟

السلام عليكم ماميز
خواتي أنا سمعت أونه الحوامل لاززم يستخدمن كريمات حق البطن وحلمات الصدرعسب لاتصير تشققات فالبطن ومايعور الصدر فترة الرضاع أول الولادة …
ياريت نستفيد منكم حبايبي
لو تعلموننا متى نبدأ نستخدم هالكريمات من أي شهر وشو أفضل الأنواع ؟؟

وين نقدر نحصلها صيدليات أوجمعيات ياليت تحددن ؟؟؟

ودهن الصدر هل يكون ع الحلمات بس أو الصدر كامل ؟؟

والسموحة منكم عزيزاتي

هلا حبيبتي بنسه للكريمات مافي افضل من بالمرز تحصلينه في الجمعيات مكان الاطفال و الصيداليات وايد مفيد انا في حملي الاول كنت استخدمه هو و زيت اللوز و الحمدلله مافي تشققات وايد و هذا الحمل بديت بصدري اول شي خديت بالمرز مال التمددات و معالج التشققات يستعمل على كامل الجسم بس للحلمات ما اتخدم شي لانه سبحان الله يفرزن زيوت روحهن

اتمنى انج فهمتي علي و الوقت المناسب انا بديت من كبر صدري و البطن بدين من دخلت السده الثالث

انا استخدم 3 كريمات
مرات زبدة الكاكاو من بدي شوب
مرات زيت بيو اويل من صيدلية بوتكس
مرات كريم بالمرز

و ادهن صدري كله بنفس الكريمات
بسس نصيييييحة لوجه الله لاتحكين جسمج ابد انا حكيت جسمي من تحت بس ماتوقعت ان العلامة بتكون واااااضحة و الحين كل مااشوفها ايني احباط
و ابدي ادهني جسمج من الشهر الخامس و كثفي مرتين في اليوم ابتداء من الشهر السابع

اااااااااااااااااااب

ماقصرتن خواتي …
بس من أي شهر أبدي ؟؟
أتريا خواتي الباجيات..

انا الصراحه من ع كيفي استخدم زيت زيتون لبطني وصدري

انا استخدم اي كرييييييييييم …. المهم مايكون جسمي جاااف …,,,, ارطبه بأي شي ….حتى لو زيت اطفال هههههه
وعني انا بديت استخدم الكريمات من اول الحمل …..عادي يعني كيفج احس ماله وقت محدد ..,,