سؤالي واضح من العنوان
افيدوني
الله يعينج
انا بخبرج شو تسوين وربج الموفق وعن تجربه
لا تاكلين اجبان وبقوليات وايد مثل الحمص والفول والعدس والماش واللوبيا وخاصه المساء
اكثر الغازات تكون من البقوليات ومشتقات الاجبان والكريمه وتسبب انتفاخ خاصه في البرد
امضغي الاكل ولا تشربين عصير وماي الا يوم بتخلصين وجبتج لان السوائل بين لقمه ولقمه ادخل الهوا في معدتج
نصيحتي لج بعد كل اكل تاكلينه امضغي نعناع طازج لانه يمتص الغازات ويريح المعدة
اما الاشياء الطبيعيه الثانيه اللي انصحج فيها وتنباع برع
1- المرقدوش ممتاز وايد وطارد للغازات وينباع عند العطارين وتشربين استكانه منه
2- حبوب الفحم الطبيعي وهذا ممتاز لان الفحم يمتص الغازات بشكل سريع وينباع في الصيدليات
(( كتجربه حطي الفحم عزج الله في زبالة المطبخ وشوفي كيف يمتص الروايح مهما كانت ))
3- اذا كانت الغازات اللي عندج مصحوبه بألم وخاصه في الجوانب خذي حبتين من حبوب البسكوبان وينباع في الصيدلية وهو مخفف سريع للمغص واضطرابات المعدة .
4- لا تعرضين نفسج للهواء البارد وانتي نايمه واذا كانت غرفتج سراميك وقت .. انوم البسي سوكس في ريولج عشان تبقين دافيه .. لان الغازات احيانا تكون بسبب تعرضج للهواء البارد وهذا النوع يكون احياني مهبلي وخاصه للمتزوجات وتكون الامه اسفل السر وقريب من الرحم.
هاي يا غناتي امور انا اتبعها في بيتي ومن اساسيات البيت عندي وجود المرقدوش والبسكوبان وحبوب الفحم
والمرقدوش حتى اليهال يشربونه .
وانا اعتمد هذا الشي من سنين في بيتي والحمدالله
اتمنى اكون افدج بمعلوماتي وخبرتي وربي يهون عليج ويعافيج
دعواتج الحلوه