صالونه السمج الهنديه *_^

هلا خواتى اليوم كان غدانا صالونه سمج هنديه وان شاء الله تعيبكم

المقادير
سمك قباب مقطع
بصل مفروم
ثوم وزنجبيل مطحون
طماط مفروم
زبده
زيت
صلصه طماط
ملعقه بزار + ملعقه فلفل حار + ملعقتين حليب جوز الهند + ملح حسب الحاجه + ملعقه كركم + ملعقه كارى + ورق كارى
ماى + كوبين عيش + كوب شبت مفروم
الطريقه خواتى

انتبل السمج بالكركم والملح والفلفل الاسود ونقليه فى الزيت لين يحمر ونحطه على جنب …

انيب جدر ونحط فيه ملعقتين زبده ونشوط البصل لين يحمر ونظيف الثوم والزنجبيل المطحونين مع بعض ونشوطهم زين ما زين وبعدين انحط الطماط المفروم وصلصه الطماط وورق الكارى ونضيف البهارات الى كتبتها فوق وبعدين انحط الخلطه داخل خلاط العصير ونخلطهم بعدين انرد انحط الخلطه فوق النار مع اضافه ملعقتين اكبار من حليب جوز الهند مع التحريك خواتى وأخر شى ضيفو له السمج الى قليتوه فى البدايه وتقدرون تاكلونه مع عيش ابيض
انا سلقت العيش مالى مع شويه ملح وشويه زبده ومع كوب من الشبت المفروم بعدين نشخل العيش ونرد انحطه فى الجدر ماله اخر شى تقدرون اضيفون فوق العيش قطع من الزبده عشان الريحه تطلع حلوه ..

وهنى وعافيه على قلوبكم

ان شاء الله الصور كفت ووفت
وسويت طبق التراميسو للاخت نرجس وهاى ثالث مره اطبقه طعمه صدق غاوى