طبعاً الكل عارف انه انتقلنا للمبنى اليديد و وايدين حابين يشوفون شكل جامعتنا بحلتها الجديدة
صح انها ماكانت بالمستوى الي نطمح له بس الحمدلله قدرنا انقول انه نحن ندرس فجامعه محترمة بدون ما نستحي ^__^
خلونا نبدى من اول شي
طبعاً ما صورت البوابة من الجهة البراعية
وهاي الصورة من داخل الجامعه
اهنا الرسبشن
خلونا نمشي بالدور من بداية لكلاسات المجابلة الرسبشن ..هذا كلاسي الي ادرس فيه الظهر
الي فوق كيمرا مراقبة
هذا ممر كلاسنا العود,,بالاساس كان مسرح بس خلوه كلاس
وهذا لكلاس الي توا ارمس عنه
واحينه الكانتين
هذا الموجود 3ككاوات بعد ما كانوا نوع واحد وهالمرة الثلاجة مترووسة الحمدلله (اشوا طلعنا ابياض الويه اليوم >_< )
شوفوا الحجرة الي عاليمين..هاي البقعه مستأجرتنها طالبه من عدنا وسوتها مكتبه ويابت فلبينية اتبيع فيها ^__^وماشاء الله ادخل من وراها لأنه ماشي مكتبه عدنا انروم نطبع فيها
وهاي من داخل
وها الكانتين من صوب الدارلنج
وها المنظر من صوب الكانتين للحدايق الغناء الي عدنا ^____^
هااا وين وصلنا؟؟؟ يزاهم الله خير الجمعية الطلابية فالجامعه على هالاستكرات الطيبة ^___^
وانا فاتحة باب الحمام وانتوا ابكرامة جان اتفاجأ فيها وقتلها جيييييز ^____^اعرفكم بربيعتي فالجامعه اسمها سونيترا يحليلها من اتشوفني لازم تسلم وتظحك >_<
××××
يمنع نشر صور نسائية
وهاي توابع المكان..طبعاً ماشي صابون ,,كانوا امحطين صابون عادي والبنات يجزون يستخدمونه وساعات يحطون فيري >_< جان اقوم اشتريلهم صابون سائل وماشاء الله ماوحاله اسبوع وخلص >_< عااد ابرايهم الي اييبلهم احينه
يتبع…
احينه خلصنا من جهة يسار الجامعه ومتجهين للطابق الثاني
لحظة لحظة هاي البقعة من احب الاماكن لي فالجامعه ,,يوم اتعايز اسير المسيد اصلي اهنا تحت الدري
هاي اللوكرات نسيت اصورها(طبعاً شالينها من المبنى الجديم >_< )
صعدنا الدري
وهاي المكتبة اتي على ايدنا اليسار,,ما رمت اصورها من داخل لأنه شي وايد بنات
وها الممر ونحن طالعين من صوب المكتبة نبا المسيد ولا باجي لكلاسات
دخلت كلاسي
احينه قربنا من نص المبنى ,,هههههه ذكرت موقف اربيعتي وهي اتقولي مريووم مب ناقص الا3شياطين ونرجمهم من اهنا ,,أقوولها استغفر الله >_<
وهاي صورة من قريب وامبين الرسبشن تحت
اهنا الصورة اتبين المصلى الفوقي على جهة اليسار
وهاي الصور من فوق
وهذا المصلى بس ما رمت اصورة كامل بسبب البنات بس ماشاء الله وايد شرح
اهنا خلصنا من المسيد وسايرين جهة اليمين صوب الدكاترة وقسم الارشاد وغيره
قربنا من قسم الدكاترة والغرفة الي عاليمين غرفة الارشاد
هاي غرفة الارشاد ,,قبل ما ندخل ممر الدكاترة وشي غرفة ثانية بس ما صورتها مادري مال شو بالضبط >_<
احم احم >_<
هذا ممر الدكاترة
هذا مكتب احسن دكتور عندي بالجامعه بس ما وحاني اصوره عدل كنت خايفة حد ايي >_<
طلعنا من قسم الدكاترة وكملنا سيدة عنفس الممر وحصلنا القسم الاعلامي وشؤون الطالبات
وهالقسم من دااخل
نزلت الدري..هالجهة كلها لابات خاصة ابمال الهندسة ومادري شو بعد..بس من فتحت الجامعه ما قط دخلت اللاب الا اليوم وانا اصور >_<
هذا واحد فيهم
وهذا الثاني وشي غيرهم بعد بس ما صورتهم
وانا امكملة جان اشوف حجرة العاملات ..وشفت الصدمة!!!
الحجرة بكبرها كيبلات كهربا والله غمضوني
مادري ليش هالحفرة بعد؟؟!!!!جان سدووها بسيراميك احسها خطر
لفتني عطر العااملة اهنااك كان ماااركة ^____^ وابوويي عليها
وجان انزخ!!!!!!!جكتني وانا طالعه من حجرتهم و لا اغير الموضوع واقوولها جييييييز ^_____^
وعدنا من حيث أتينا ^_____^
اتمنى الرحلة عاااد عيبتكم وان كانت عالسريع وما شملت كل شي ^___^
والله يعطيني العافية لأني صدق صدق تعبت فالتحميل >_<
يلا يلا بسرعه هاتو المقص بقص شريط الافتتااح .. شك ^_^
ومشكوووره يامريوووم ع التصوير وانشالله تتهنون فيها ..وتنجحين وترفعين راس اهلج .., قولي انشالله
ومشكووره مره ثانيه ع التصوير والله يعطيج العافيه وبسس @_@
بيبااااي
والله يوفقكم ويهينيكم
همسة : ما شفت احلى عن جامعة الشارجة -ماشاء الله تبارك الله –بكل صراحة روووووعة