شحالكن خواتي عساكن بخير..يزاكن الله خير على تفاعلكن في هذا القسم و محاولاتكن
في حل مشاكل العديد من العضوات…أنا و أعوذ بالله من كلمة أنا..حبيت أطرح مشكلتي
إللي هي تخصني شخصيا…هي مب مشكلة…بس أنا متعقدة من نفسي بسبب جسمي T_T
خواتي أنا أعاني من بعض الأشياء إللي أخاف تكون عائق بيني و بين زوج المستقبل..مب عائق
يعني أحس بتخرب عليه لبعدين…بقولكم من شو أعاني
زهقت من الخطوط البيضاء إللي على جسمي…أحس صدق مخربة عليه..هي مب طالعة في كل مكان
بس يوم أشوفها أتضايج و أخاف من ردة فعل زوج المستقبل و شو بيقول…و ثانيا آآآه منها قرفت
من شي أسمه كرشة…أنا مافيني كرشة بمعنى كرشة…يعني ع الخفيف…بس إللي منقهرة منه
هو انتفاخ في منطقة تحت السرة..و أكيد هالشي من إدماني على المشروبات الغازية و الله يا خواتي
يوم أشوف نفسي في المنظرة تيني صيحة و أتحسف لأني أنا إللي وصلت نفسي لهذا الشي
خايفة إنه زوج المستقبل يكرهني أو ما يواطني بسبب هالأشياء..T__T
سؤالي هل وحده عانت من خطوط بيضاء على جسمها و كيف تعاملت وياها و هل هذا الشي أثر
على علاقتها مع زوجها؟ و كيف أتخلص من انتفاخ المنطقة إللي قلت عنها..
بنات الله يخليكم ادعولي يتحقق إللي في بالي والحمد أنا مواظبة على الإستغفار عسى ربي
يفرج همي و يسعدكن و السموحة على الإزعاج و الله إني أحبكن في الله..و يزاكن ألف خير
على كل شي..
المشاركة الأصلية كتبت بواسطة la3aboh 
آمين يارب تسلمين الغلا فديتج ما تقصرين ربي يسعدج ^^
وما في اي داعي اختي انج تنحرجين
او حتى تزعلين
مب عايبنج وزنج
سويلج دايت يتناسب مع طبيعة جسمج
وصدقيني اذا كان عندج عزيمة واصرار
رح تخفين وتوصلين للي انتي تبينه
أنا مافيني كرشة بمعنى كرشة…يعني ع الخفيف
عيل شقول عن كرشتي اللي واصله لريولي خخخخ>>ومستانسه مع ويهها.gif "12 (72)")
خايفة إنه زوج المستقبل يكرهني أو ما يواطني بسبب هالأشياء..T__T
دوم نحن جيييه مانفكر بعمرنا نفكر فالريل غربلات بليسهم مطفرين فينا حتى قبل لانشوفهم >>>بررررع
الله يسعدج ختيييه (=
المشاركة الأصلية كتبت بواسطة عآلمي سؤآل وما في اي داعي اختي انج تنحرجين
او حتى تزعلين
مب عايبنج وزنج
سويلج دايت يتناسب مع طبيعة جسمج
وصدقيني اذا كان عندج عزيمة واصرار
رح تخفين وتوصلين للي انتي تبينه
تسلمين الغالية إن شاء الله بحاول فديتج ^^
عيل شقول عن كرشتي اللي واصله لريولي خخخخ>>ومستانسه مع ويهها
ههههههههههه من ربعنا إنتي عيل خخخخ
المشاركة الأصلية كتبت بواسطة عآلمي سؤآل شو نسوي لازم نظمن مستقبلنا و ما يودرونا من أول يوم..لام نحاتيهم X_X
المشاركة الأصلية كتبت بواسطة عآلمي سؤآل وياج الغالية مشكورة فديتج الرد استانست عليه ^^ ربي يوفقج و يسعدج
المشاركة الأصلية كتبت بواسطة الغلـــــا انا يوم عرست كان وزني 39 …يعني كنت اشتري ملابسي الداخليه من قسم التينيجرز..؟؟تخيلي الفضيحه…..
المهم عقب ما عرست ويبت العيال والحمدلله زاد وزني ووصلت ال70 ….لدرجه ريلي سماني الكنغر…واخواني البطريق…..بس عادي ما قد حسستهم اني متضايقه من جسمي بالعكس دوم اقول قدام ريلي انه البنات يحسدوني على جسمي ….ويوميا اعيدله هالسمفونيه ……لدرجه انه صدق انه جسمي حلوووووو وتقبل هالامر….تخيلي يبت ماشاءالله عيال والكرشه واصله ههههههههههههه بس من كثر مااقوله جسمي حلووو ما قد لاحظ كرشتي…؟؟ يعني صدق صدق ما يشوفها…..حتى مره اشترالي قميص نوم قيمته يمكن الف درهم وسايزه سمووووووووووووووووووووول…..؟؟سايزي قبل العرس ههههههههههههههههههه قلت معقوله مب ملاحظ اني متنت والحينه سايزي لارج ..؟؟
لين الحمدلله قررت اني اوقف وماايب عيال علشان اتفيق لهم…..خلاف بديت اهتم في نفسي وجسمي…..
والحينه وزني واصل 54……حتى ريلي روحه متضايق اونه ضعفتي…؟؟ ويباني امتن……
كانت عندي خطوووط فظييييييييييييييييعه عند ريولي من ورى يعني شفتي وين الركبه..؟من ورى….مكان غريب خخخخخخخ ما ينشاف الا اذا عطيت ريلي ظهريه واكون لابسه قصير فقط……بس مع الايام ..الحمدلله اختفن…..وكنت ارطب جسمي واستعمل زيوت يوميا…..
يعني يا اختي الزوج ما يلاااااااااااااحظ الا اذا انتي حسستيه انه فيج عيب…………….
هالشي اكتشفته يوم مره قلت له شوف ويهي عدل…فيني عيب ..؟؟تم يطالع ويطالع ..قالي لا…؟؟
قلت له انزين شي عيب في ويهي وانا مسويه عمليه في مكان ما لو انته شاطر بتكتشف……
رد يطالع دقيقتين بس جان يقولي خشمج…………؟؟؟ انصدمت…لانه انا اصلا مب مسويه اي عمليه ولا شياته بس بغيت اشوف هل كلامي بيخليه يغير رايه…؟؟ قلت له ليش شوفيه خشمي..؟؟قالي يمكن مسويتله عمليه وقاصتنه وطالع حلوو هههههههههههههههههه جان اقوله لا هذا من الله …وانا ما مسويه عمليه لاي شي…….يعني شفتي كيف…الريال يوم تقولين له فيج عيب هني بيتم يركز وبيشوف كل جسمج فيه عيوب……………….
قوي ثقتج في نفسج علشان تقدرين تعيشين مرتاحه
فديتج يا الغالية و الله ريحتيني شوي ^^ بحاول أتقيد بنصايحكن…و إذا الرياييل ما يلاحظون إلا
إذا نحن قلنا شي..عيل خلاص ما بنطق بشي أبدا ههههه إن شاء الله عاد ما بيلاحظ و أمشي
السالفة على خير خخخ بس مدام إنه فيه خوات مثلكن و نصحني ما بيأس و إن شاء الله بحاول
أهتم بعمري أكثر…و ربي يوفقج و يسعدج و يريح بالج مثل ما ريحتيني الغلا مشكورة ع المرور و الرد^^
وان شالله الله يحقق اللي بالج
صدقيني كلنا نعاني من هالشيء >_<
بي كوووووووووووووووووووول عادي
عيشي حياتج ولا تضايقين
