ضيفة من الكويت ساعدوني بنات دبي :)

السلام عليكم ..

انا ان شاء الله راح أزور دبي بعد اسبوع ..وابي اعرف احسن الصالونات اللي تسوي نقش حنه عندكم و قص شعر ؟؟ شرايكم بصالون جويل ؟؟ وشلون اسعاره ؟؟

وبالنسبه للعبايات ابي عبايات حلووه وموديلات ذربه وجديده غير اببو الهيل لانه مايعجبني ابي شي عملي وبنفس الوقت حلو وراقي واسعاره مناسبه ؟؟

انا سمعت لباسه .. جيلاتو .. موزان .. ابي اعرف اماكنهم وهل عباياتهم غاليه والا اسعارهم معقووله ؟؟

همتتكم معاي يابنات دبي ادري فيكم ماتقصروووون

بتنور دبي.. ويا مرحبابج في دارج غلايه .. الغاليه بالنسبه لصالونات الحنا في دبي عندج سوق الحمريه قريبه من ابو هيل فيها صوالين للحنا ( هيفاء , بثينه , فلورا ) , وعندج صالون رشنا للحنا في جميرا قريب من صالون جويل ,, وبالنسبه لعبايات الباسه اسعارها من 2400 وطالع ولازم تاخذين موعد , والباقي البنات ما بيقصرون وياج فديتج واسمحيلي على القصور

بالتوفيق

ماعرف شي بدبي
بس اذا تبين العين فالج طيب

بتنورين الامارات الغاليه

بتنور البلاد الغلا .. بالنسبة للصوالين مثل ما قالت الاخت سوق الحمرية .. وصالون جويل صراحة اشوف اسعاره جدا مبالغ فيها .. وفي صوالين تسوي شغل احلى وبسعر مناسب .. ولجيلاتو عندج بمركز سارة والميغا بالشارجة .. امممم قبل كنت افصل عندهم بس حاليا افصل باماكن ثانية ..

هلا اختي الغاليه نورت الامارات بوجودج
بالنسبه لجيلاتو ما انصحج ابدا عباياتهم كلها شغل تركيب ودفاشه شغل واسعارهم واااااااااااااااايد مبالغ فيها علي لا شي

بنات دبي كلهم يروحون عيمان ( عجمان ) شي محلات عبي بالهبل وأسعارهم رخصيه وااااايد عن باقي محلات العبي اللي فدبي وعندهم أشياء حلوه وايد ، وعن الصالونات عندج صالون بافان فشارجة منقطة الغبيبه وحناهم يسوونه لج بلونين وشكله يجنن بس غالي شويه لكن تسريحاتهم أتجنن اسألي عن ناريمان هذي رهيبه فسوالف القصات والتسريحات ماسوي عند حد غيرها وعندج صالون روشنا فعجمان متخصصين فسوالف الحنا وانا تحنيت عندهم لملجتي واسعارهم رخيصه