منو يعرف طريقة صنع آجار الهمب
ولو تقدرون بالصور
ويزاكم الله خير
هاتي الحدال الكمية اللي تبينها وغسليه وقطعيه بغيتيه بقشر والا بدون قشر وحطيه في جدر وحطي عليه ملح وكركم وحطيه فالشمس يومين فديتج عشان يتخلل ويذبل بعدين هاتيه وغسليه فمشخله وحطيه بجدر وحطي فوقه فلفل أحمر وبهار الكاري الهندي وحلبه والحبه السوده أختياري وصبي فنيان خل أبيض وفنيانين زيت زيتون طبعاا لانه خفيف والنار خفيفه وأول مايذبل وتختلط المقادير حطيه فغرشته وحطيه فالشمس والا عادي مباشرة تاكلينه وبالهنى والعاافيه طبعااا الآجار له عدة طرق على حسب الذوق
والسموحه منج
اول شي انيب كيلو همبى خضر و نقطعه على حسب الرغبه
يعني الحجم يا يكون كبير او متوسط و نرش عليه نص كوب ملح و 3 ملاعق كركم و نحطه ف المطبخ مب الثلاجه =p لمدة يومين
و بعدين نرش عليه نص كوب فلفل احمر (اذا تبونه وايد حار زيدو الفلفل) و ربع كوب كزبره و ربع كوب كمون و راس ثوم كامل مدقوق
و خلوه ف الثلاجه لمدة يومين
و بعدين انيب 3 اكواب زيت نصخنه على النار و نحط عليه ملعقتين حلبه (حب) و 3 ملاعق طعام خردل (حب) و 4 ملاعق كمون (حب) و 3 ملاعق الحبه السوده
و فلفل احمر كامل (حب) يعني تقريبا 10 حبات و نخليه ع الضو لين ما يتغير لون البهارات يعني يستوي غامج و عقب نخلي الزيت لين ما يدفى و نصبه فوق خلطة الهمبى و نخلطه عدل وبث ^^ انحطه ف غراش و نخليه ف الثلاجه لمدة اسبوع عشان تسطي النكهه و يستوي الهمبه ف الزيت ..!
ملاحظه :
1_اذا ما كان الهمبى وايد حامض حطو كوب ليمون
2_ لازم الزيت يغطي الهمبى عشان ما يخترب ^^
المشاركة الأصلية كتبت بواسطة ام الغاوي 
اول شي انيب كيلو همبى خضر و نقطعه على حسب الرغبه
يعني الحجم يا يكون كبير او متوسط و نرش عليه نص كوب ملح و 3 ملاعق كركم و نحطه ف المطبخ مب الثلاجه =p لمدة يومين
و بعدين نرش عليه نص كوب فلفل احمر (اذا تبونه وايد حار زيدو الفلفل) و ربع كوب كزبره و ربع كوب كمون و راس ثوم كامل مدقوق
و خلوه ف الثلاجه لمدة يومين
و بعدين انيب 3 اكواب زيت نصخنه على النار و نحط عليه ملعقتين حلبه (حب) و 3 ملاعق طعام خردل (حب) و 4 ملاعق كمون (حب) و 3 ملاعق الحبه السوده
و فلفل احمر كامل (حب) يعني تقريبا 10 حبات و نخليه ع الضو لين ما يتغير لون البهارات يعني يستوي غامج و عقب نخلي الزيت لين ما يدفى و نصبه فوق خلطة الهمبى و نخلطه عدل وبث ^^ انحطه ف غراش و نخليه ف الثلاجه لمدة اسبوع عشان تسطي النكهه و يستوي الهمبه ف الزيت ..!
ملاحظه :
1_اذا ما كان الهمبى وايد حامض حطو كوب ليمون
2_ لازم الزيت يغطي الهمبى عشان ما يخترب ^^
مشكورة الغالية
لكن مايحتاج خل
المشاركة الأصلية كتبت بواسطة وردالمنى لكن مايحتاج خل
هلااا حبوبه
ما عرف والله
لاني ناقله الوصفه من عضوه من بنات المنتدى ^^