اول شي باركولي .. توظفت امس…
و اليوم سلموني مسؤولية حضانة الاطفال… و طلبو مني اطورها بأفكار .. من ناحية تزيين المكان … شو الالعاب التليميه اللي ممكن اييبها ( اشتري على ميزانية الدوام).. بس شرط ان الالعاب تكون هادفه و حلوه و فكرتها يديده… مب شرط اشتري جاهز.. قالو حتى لو عندي فكره اسويها بورشة .. مثلا من ضمن الافكار اللي يسوونها حاليا.. يايبين مجسم بيت كبيييييير .. و فيه الادوات و يعلمونهم بالورشه عن أجزاء البيت و كيف يرتبونه.. فكره ثانيه ..الاطوال شو الطويل و القصير مع مجسمات طبعا…
طلبو مني اطور الافكار.. او اييب افكار يديييييييييييييده!!! بالعربي والانجليزي…
يعني يا معلمات يا فاضلات
بغيت افكاركم شو الدروس اللي تعطونها للاطفال … كيف توصلون لهم المعلومه… شو الادوات اللي تستخدمونها… من وين ؟؟؟ و ياااااااا حبذا لو عندكم شرح للدرس او الورشه تفصيلي.. و لو ما عندكم .. عادي انا بحاول اكتب الشرح….
و طلب ثاني حبايبي… عطوني افكاركم كيف مزينيين صفوفكم؟؟؟؟ من ناحيه الديكور .. الاشياء المعلقه ؟؟ شو هي؟؟؟ من وين يايبينها؟؟ مثلا عندنا ركن بالحضانه عباره عن مكتبه… بس المكتبه صغيييره.. و فيها واااايد كتب حلوووه … بس المشكله محد مستغلنها لانها مو مبينه.. انا اقترحت ان نسوي مكتبه ثانيه بدون باب (ارفف بس) بحيث ان كل الكتب تبين و بينهم العاب… بس المسؤوله طلبت من افكر بعبارات للمكتبه تشد الانتباه .. لان محد يقرا؟؟؟؟؟ شووووو اكتب؟؟؟؟ عطوني عبارات؟؟ ساعدوني؟؟؟
و اقترحت شي ثاني انا نييب تلفزيون نشغل فيه طيور الجنه وقت اللعب…
بناااات و حريمات وسيدات الامارات… ساااااااااعدوني فدييييتكم..احس وااايد اشياء مطلوووبه مني…
مب عااااارفه من وييين ابدأ؟؟ و شو أسوي؟؟ و كيف أبدع؟؟ و كيف أغير؟؟؟ و كيف اثبت عمري بالدوام الجديد؟؟؟ هم من النوع اللي يحبون الموظفة المبدعه!!!! وانا واااااااااااايد احب الابداع…. عشقي الابداع و التغييير… لدرجة اني درست ماجستير بالتميز المؤسسي..
ساعدووني
وين تعينتي ؟؟ وشو تخصصج ..,,؟؟
وبالنسبة للافكار ..
1-سوي قصص صغيرة بس تكون مجسمه يعني مثلا اذا بتكون عن السمكه سوي كل شي مصور
صورة سمكة وبحر واي شي مثير فالقصه
2- سوي لوحة اعداد ( اشياء يقدروا يبطلوها ويعيدوا تركيبها )
3- الالوان كل لون مع مجسم سلة الفواكه مثلا برتقالي مع مجسم برتقاله احمر مع مجسم فراوله وكذا
هذي الافكار اللي حضرتني حاليا .. واذا تذكرت شي بخبرج ( مع اني مب مدرسة رياض اطفال) بس احب شلغهم
ووووماادر ي شو اخبرج بس التزمي بوظيفتج واجتهدي ووحاولي وقت الفراغ بعد تدرسين الاطفال انقلش انجليزي
لان الانجليز الحين مسيطرين على كل مدارس ماادري من اي يؤره ييبونهم شوي شوي مافي ولا عربي او مواطن الله المستعان موفقه وللامام