شحالكم عساكم بافضل حال
خواتي انا انسانه مليت من الحياة هاي فاول شهرين من الزواج عشت فيها احلى ايام حياتي وف شهر العسل لكن بعديننننن شهر بعد شهر احس اني بموت مايمر يومين الا وريلي فاهمني غلط وتستوي سالفه ع اسخف الاشيه حنيت ع ايامي قبل والشطانه والهياته والمشاكل لما كنت ويا رباعتي
مب الحين كله مجابله ريلي مليت منه طفرت طلع لي قرون مرات احس كلامه كله جذب يوم يطالع التلفزيون كله يجوف هاللبنانيات الي يرقصون ف فيديو كلباتهم ولما نطلع فالمولات وجي ما احس ان وياي ريل جني ساحبه واحد مراهق اخوي ولا ولدي امسات كنا فمول صدمنييييييييييييييييييييييييي صدمه كنا نتمشى خطفت صوبنا وحده جان يقولي جفتيها جفتيها وانا مستغربه اقوله شسالفه يقولي طرررررررررررررررر هاي حلوه !!! قلتله وانا شو يخصني؟
قالي احلى عنج وتم يضحك انا هنيه حسيت بشيييييييي قهرني مووول بس سويت عمري عاديه ! طنشت
من هاليوم كرهته ولاعت جبدي اخيييه ابي ارد له هالحركه هاي مرتين وبرايه اذا جي يقارن بيني انا بقارن بينه وبنعيش ك توم وجيري فالبيت مب زوجين كان بينهم عشره وحب ..
بنات لو كنتو فمكاني شو بيكون موقفكم ؟
وشو اسوي انا من هالعيشه الارف
انتي بعد اقهريه ادخني واتكشخي واتمكيجي وخليج سنقل عشره ومري جدامه ولاتعطينه ويه ؟؟؟؟؟؟؟؟؟ذلي عاره عليج ………….خخخخخخخخخخوبتجوفين ان ماتم يركض ورااج
تعرفين شو تسوين ..؟ اطلعي وياه وقولي جوف هذا احلى عنك مب انت ماتعرف تتكشخ
وحطي صور فزاع ومهند بفونج ولا اقول حطي صورة واحد طر حق الخلفية
وأهتمي بعمرج وخليه يغااار عليج00والحرمه الذكيه ماا تعصب
من حركاات مرااهقين00ويوم بيشوف التلفزيون غيري القنااة
وقوليله عيب خليه يحس انه غلطاان00مااأدري انتي ليش
سااكته اقبضيه وفهميه انه هذاا حراام والنضر
لاعرااض النااس اكبر حراام00وانه هو يرضى
الناس اتشوف عرضه؟؟؟؟
والله يهديه ويسخره لج 00عليج بالدعااء له بالهدااايه00والله يعينج الغلا
بس لاتحطين ف بالج وانتي بعد قهريه اهتمي بلبسج وكشخي وتعدلي ولاتسوين له سالفة وكشخي حق نفسج مب حقه وسويله طاااااف وضحكي واستانسي ولاتحطين كل اهتمامج فيه وتحسسينه ان هو كل شي بحياتج وان ماعندج شي تسوينه غير انج تجابلينه وتهتمين فيه
والله يهدي مابينكم وعقله ويهديه