عائلتي الثانية وجاراتي

لخواتي وجاراتي ^_^

اللي لهم مكانه في قلبي .. وهالكلام أقوله من خاطري

خلني أبدأ بالقديمة عقبها باليدد

عايشة …. صاحبة القلب الكبير

أول جارة لي .. طيبة وحبوبه وخدومه

لها فضل كبير علي بعد رب العالمين

ما أنسى كل رمضان لازم تسويلنا افطار في بيتها

وما تتذكر طرش لي سويتات إلا آخر الليل ^_^

أشكرها من كل قلبي ..

نورة .. الزهرة الندية

ثاني جارة .. صديقة السهر

نسولف وناكل .. وما أنسى اللب المصري اللي كنا ناكله ونختتمه عقب بسلة من الفواكه

والساعه 2 منتصف الليل .. نفترق
لنصبح ثاني يوم على نفس الموال السابق ^_^

طبعاً الظروف شاءت ان النظام يتغير ..
لأنها اشتغلت وأنا داومت .. وعيالنا مدارس

وأقول لها ذكريات لا تنسى

نوره .. خفيفة الظل

الجارة الثالثة ..
تطل علينا كل اسبوعين تقريبا

ما نلحق نشوفها .. يا احنا مشغولين وطالعين او هي تكون طالعه

طيبة وحبوبة .. الشي اللي يذكرني فيهم .. هو ريحة الطباخ والأكل في الليل ^_^

وعاد ريلي بطنه يحوس .. يقول تشمين الريحه والله إني يوعان

عيالنا وعيالهم أعتبرهم خوان مب بس زملاء ممر ^_^

الممر هذا جمعهم وجمع ألعابهم .. وحشرتهم

جمع المناسبات الحلوة على الجدران