السلام عليكم ورحمة الله وبركاته
من فترة كنت ادور على عجينة فطاير تكون سهلة وتضبط من اول تجربه
وصراحة ما توقعت النتيجة ابدا
فحبيت اجرب وعقب انقل تجربتي ( ويزاها الله خير صاحبة الوصفة الاصلية )
اللي اثار انتباهي بالوصفة انه يدخل في مكوناتها المايونيز
ندخل بالتفاصيل عسب لا تكثر رمستي واصير عكس النك لوول
المقادير :~
2 ونص كاس دقيق كويتي
2 ملعقه كبيره مايونيز يكون بحرارة المطبخ
1 ملعقه كبيره سكر
1 ملعقه صغيره خميره
رشة ملح
ماء دافئ للعجن
الطريقة :~
اول شي نخلط كل المقادير مع بعض
عقب نبتدي نضيف لها الماي شوي شوي لين نحصل على عجين طري ونااااااعم
عقب نعجنها باليد عسب تلين اكثر
وها شكلها بيضا وحلوة ونااااااااعمه ^^
نغطيها ونخليها تخمر ويضاعف حجمها
عقب ما تضاعف حجمها قسمتها لثلاث كور
وفردتهن عسب نسوي شكل الكرواسون ( طبعا ممكن تختارون الشكل اللي تبونه وبعد الحشوة اللي تبون )
انا اخترت جبن كيري وشي منهن تشوكليت
عقب ما نخلص كل الكمية نخليها تخمر مرة ثانية
وعقب ما يضاعف حجمها ندهنها بصفار بيض ويا حليب
وندخلها فرن مسخن مسبقا من تحت وعقب نحمرها من فوق
وها الشكل النهائي والطعم ولااااااااااا الذ
مشكووووووووووووووووووووره الغالية
يم يمي شكلها لذيذ تسلم الايادي وبالعافيه عليكم
بجربها باجر ^^
المشاركة الأصلية كتبت بواسطة مندوبة جدة 
مشكووووووووووووووووووووره الغالية
الله يحلي دنياج الغاليه