عرسي تأجل للمرة الثانية

اهممم .. انا اشوف دام انه البطايق توزعت والعرس تأجل لظروف العايله .. فاذا سرتي بيت ريلج من دوم عرس هذا مب معناته انج عرستي سكيتي .. هم وصلتهم البطايق و عارفين ان فلانه حق فلان .. صح وإلا ؟
انا راي من راي ريلج .. سيروا شهر العسل ولاحقين حق مجاملات الناس

والله مادري شو أقولج يا الغاليه

ابس شو الظرف يعني؟؟ شي كبير؟؟؟

على الاقل سوي عرس بين الأهل و عشا و تصوير عشان الالبوم يعني و سيري وياه

الا طقطقه و لا شي

احس مب شي تعرسين و عقبها على طول دوااام

انا راايي من راي الاخت أمطار

ما عليكم من الناس هااي ظروف صارت وطلعت عن ايايدكم ,,

صلي استخارة انتي وشوفي اللي ترتاحين له ,, واللي الله كاتبنه تراه بيصير

ولا تشغلين بالج غنااتي وتذكري كل تأخيره فيها خيره يمكن ربج رايد بكم خير ان شاء الله

الله يوووفقج وايسر عليج امور حياتج يا رب

اقول يا أختي قبضي ريلج وسوي الي يرضيكم انتو الاثنين

والله وايدين عرسوا سكيتي اصلا السكيتي أحلى

بس عرس قوم طقطقة تعب وهلاك ومصاريف ما لها داعي وفي النهاية يوم العرس بيخلص

بتمين هلكانة وتعبانة وريلج نفس الشي كم من يوم وعقب تبدون حياة الرومانسية

أما العرس اذا كان سكيتي تهتمين بنفس وترتبين أمورج وتروحين شهر العسل وياه وايدين سووا هالشي والناس ما بترمس

بتراعي ظروفج لأن عرس تأجل للمرة الثانية وسوويلهم طاف اهم شي انتي وريلج وسعادتكم ترى الي يمشي ورا كلام الناس بيخسر

وترومين عقب اتسوين عزيمة عودة تتعدلين وتعزمين الناس

هذا رايي وعلى فكرة ترى الناس ملت من الأعراس

اقول لج اذا انتي و ريلج و اهلج و اهله متفاهمين فما عليج من الناس

خصوصا اذا كانت عندكم ظروف قوية شرات وفاة شخص او مرض حد غالي عندكم
يا اختي خلاص وزعتو البطايق يعني الناس كلهم عارفين و ان شاء الله حياتكم كلها بتكون عرس و افراح

توكلي على الله فما خاب من توكل على الله

سوي الي ريلج قاله دامه يريحكم اشعليج من الناس

اهم شيء سعادتج وراحتج وين

واكيد الكل بيقدر ظروفكم