ليلة البارحة سويت محااااااااااشي من (( ورق العنب- كوسا- فليفلة- ملفوف )) حق العشااااا.. والكل في البيت تخبلو عليييييييييييييه وكلوه كله ماشاء الله عليهم .. والمحاشي ولا اروع!!.. وان شاء الله المرة الياية بسوي محاشي حق ريلي فديته يوم بيي بيتنا ^^
هاي صورة عشانا المكون من : المحاشي- سلطة خضار- حمص بالثوم- ليمون
وطريقة اعداد المحاشي بصراحه نقلتها من احد المنتديات.. والحمد لله ضبطت معاي لانه مزاجي كاان راااايق ^^
اليكم طريقة المحاشي:
جهزي المحاشي اللي تبين تسوينها يعني (( ملفوف او ورق عنب او كوسا .. الخ))
الورق عنب: قومي بغسله جيدا قبل حشوه.. والملفوف: قومي بغسل وريقاته ثم طبخه في قدر مملوء بماء صافي .. الكوسا: قومي بحفرها وافراغ ما بداخلها.. نفس الشيء للفليفلة..
الحشوة ::
1_ كاس كبير رز مصري مغسول ومسلوق
بصل مفروم ناعم
1_ طماطم مقطعة قطع صغيرة
كزبرة خضراء مفرومة ناعم
بقدونس مفروم ناعم
نعناع اخضر مفروم ناعم
1_ ملعقة كبيرة سماق
1_ مكعب ماجي
ملح ,,, فلفل أسود,,, كمون
2_ ملعقتين زيت زيتون
1/2 كاس ماء
1/2 كاس زيت زيتون
تسخني ملعقتين الزيت زيتون ع النار وتحطي عليه البصل وتقلبيه الين يذبل البصل
تضيفي الطماطم والماجي والملح والفلفل والكمون مع التقليب المستمر حتى تذبل الطماطم وتبدأ تنشف من الماء.
تضيفي الرز المصري المسلوق وتقلبيهم عشان يمتزجون مع بعض وبعدين تضيفي السماق
وتقلبيهم وتضيفي النعناع والكزبرة والبقدونس وتقلبيهم
بعدين تحشي الورق عنب بالحشوة وتلفيهم اصابع وترصيهم في صينية مفروشة بشرائح بطاطس رقيقة.. (( نفس الشي للملفوف او الكوسا او الفليفلة ))
بعدين تسوين الخلطة اللي تصبينها على ورق العنب او الكوسا..الخ في الصينية وهي عبارة عن في خلاط العصير كلاً من …
:: الصوص ::
1- حبة طماطم صغيرة مقطعة اربع قطع ( او نص حبة طماطم كبيرة )
1- حبة بصل صغيرة مقطعة اربع قطع
1- فص ثوم مفروم او مقطع قطع صغيرة جداً
1- مكعب ماجي مقطع قطع صغيرة
1- ليمونة مقشرة ومقطعة اربع قطع
1- ملعقة شاي ملح الليمون ( اذا تحبين ورق العنب حادق )
كلهم في الخلاط مع نصف كاس ماء.
بعد ذلك نصب الخليط في القدر المملوء بالمحاشي ونتركه لمدة ما تقارب الساعة او الساعتين.. (( شوفي المحاشي اذا استوت .. يعني خذي حبة وجربيها اذا انطبخت او لا ))
.. طبق المحاشي جاهز للتقديم ..
أما عن الحمص بالثوم وهي طريقة علمتني اياها خدامتنا الاندونيسية السابقة..
الحمص:
علبة حمص بالطحينيه (( يبيعونه في الجمعيات بكثرة)) ، مايونيز، قشطة، ثوم.
الطريقة:
افرغي علبة حمص في وعاء وضعي عليها مايونيز وقشطة والثوم يكون مدقوق.. ثم قومي بخلط الخليط الى ان تلاحظي بانه اصبح ناعم ويكون مثل الطحينيه..
الحمص جاهز للتقديم..
العشاء جاااااهز,,,
بالهناء والشفاء
^_^
بالعافيه عليكم
وعقب ما تسووين حق ريلي سويلنا بعد 
والله زعلت
مبوونه بطني يصااااااااااااااااوي واحس بفيران تلعب في بطني ليش عذبتيني زياده
نونوتي 2024 .. من عيوني اسويلج.. حياج في اي وقت ^^
آآآخ بطني يصاوي الحين