خواتي بغيت اخبركم عن سالفة صارت لولد اختي ..
واحكمو انتوا بنفسكم على حرمته ..
الله يسلمكم هو ملج على وحده من دبي ..ناس زينين واخوانها ملتزمين الحمدلله
المشكلة فالبنت .. وااايد حساسه لدرجة انها تبا تاخذه عن اهله
والريال طييييييب ومن كثر طيبته مرات ينقص عليه
اتخيلوا يوم هو يتأخر ويكون في بيت الحرمة اخوان الولد ما يعوفون ان هو ساير عند حرمته يتصلوبه عشان يتطمون عليه .. الحرمة تعتبر هالشي جريمة !!
وتزعل وتتضارب مع ريلها تخيلوا .. اونه ليش اهلك يتصلووووون
هذا اليوم يومي لا يتصلوون ولا يسألوون عنك وتتضارب ويا ريلها ..
والشي الثاني هيه وااايد قليلة الزيارات عند اهل ر يلها ما تزورهم واذا زارتهم ساعه بالكثير ما تطووول .. والله انها غريبة
جدامنا عادية وتضحك وتسولف وعقب تسير عند ريلها واتقولها شوف فلانه قالت جي وفلانه سوت جي قوللهم ما يعيبني هالشي لا يسوونه !!
لدرجة انها اونها واايد عصبية مخلية ابوها يكلم الريال عن كل اللي تتحراه هو جريمة من المضايقات اللي تقوول عنها ..
لا وفوق هذا كله قايلة حق الريال انت الف وحده تتمناك وانت طيب بس انا مب مرتاحة معاك !!!!!!!
الريال طيب ولا يحب يزعلها ولا يجرحها ومسويلها الف حساب لكن هيه ولا مهتمه,,,
وهيه طالبه الطلاق على اتفه الاسباب ..واول كرت سحبته هو الطلاق عيل كيف بتتحمل المشاطل عقب اذا كانت ع كل دقة تسوي جيي ..
انا رمست الريال وقلتله يحاول مع حرمته ويبين لها الغطلة والانفصال آخر شي خليناه .. انتوا شو راااايكم ؟؟؟
والله اننا محتارين والريال فيه غصة منها …
الله يهديها بس
بدال ماتيلس تتبطر
الله يهديها بس
الصراحة وايد حساسة .. انا في فترة ملجي امووت وخواته يتصلوون حتى مرات اتم اسولف وياهم وانسى ريلي هههه
بس الصراحة هيه بهالطريقة بتنرفز الريال وبتخليه يكرهها …
الله يهديها..
هيه في الملجة جي عيل عقب كيف ؟؟؟؟؟؟
بنات هالزمن عالدقة …
اسمحيلي عالصراحه.. بس الواحد ايدور راحت البال.. مب الصدعه والمشاكل والقال والقيل..ز
لا حول ولاقوة الا بالله..
وبعدين مب شرط اذا اهلها زييننييين تكون هي بععد زينه.. العكس صحيح..
المفروض ايراااجع نفسه وايد قبل الزواج ومدام انهم عالبر بعدهم.. الحياة الزوجية واااااااايد صعبه وانتي ادرى..
كيف ممكن تكون هاي حياتهم وهي من الحين مشاكل معاه وماتستحي..
احس اذا خذها.. مابتشوفووونه واياها خير شر…
والاسلوب يتغير ,… بس احنا ما نبا توصل السالفة للانفصال …
هيه من جدامنا بويهه وضحك وسالف ومن ورانا بلاوي تظهر …
ساعدووونا
حرمته وشريكة حياته…بالعكس هالحرمه المفروض تستانس ان اهل ريلها علاقتهم زينه وياه والمفروض تحثه على فعل الخير وخاصة خواته وأمه بهذا الشئ بتكبر هي في عينه وبيحترمها وبيقدرها.
عيل كيف بعد الزواج بتزيد المشاكل
وتقريبا مشكلتكم شرات مشكلتنا
بس نحن الريال تزوجها ..والمشاكل ماتخلص 