عطوني الحل حق الامساك الي يعاني منه ولديه

مراااااااااااااااااااااحب….

السلام عليكم ورحمة الله وبركاته

خواتي انا عندي ولد عمره سنه وشهرين وهوه يعاني من امساك شدييييييد لدرجه الله يعزكم يوم اعق البامبرز يكون نظيف مش متوسخ وتقريبا هالكلام طول يعني ابطى على هالحاله … وامس كنت ابدله البامبرز وهوه راقد ولاحظت مثل اللحمه الزايده عند منطقة الشرج شكلها توها فالبدايه وانا الصراحه ماعرف هالشي من متى طالعله لاني اغسله فالحمام كرمتواا وماكنت انتبه وبالصدفه انتبهت امس وانا الصراحه خايفه عليه من البواسير .. وتبون الصراحه انا اصلا مش متأكده لوفيه لحمه زايده ولاهذا شي طبيعي لانه بعد انتباه وتدقيق شديد انتبهت انه في شي..

والحين ابا الحل للامساك وشي يسهل عليه ..

علما انه محتويات اكله تتكون من ((( بطاطا _كوسا_جزر_عيش_شاي_سيريلاك_روتي_محلا_حليب صناعي_معكرونه_روب او زبادي)))

انا كتبت الاشاء الاساسيه الي ياكلها بشكل مستمر واباكم اتشوفون شو من الاكلات الي اعطيها حقه اتسوي امساك؟؟؟؟؟؟؟؟؟؟؟؟؟؟؟؟؟؟؟ تقريبا عرفت انه البطاطا يسوي امساك بس اريدكم اتفيدوني فالاشاء الباقيه عشان ما اعطيه … ولاتنسون تعطوني اشياء مفيده اتلين بطنه …..

والسموحه لو في شي من الكلام الي كاتبتنه مزعج !!!

الله يشفيه يارب …ويخفف عليه …

فديتج اللي حطيتج عليهن بالاحمر يسببن الامساك ..
خذي من العنب الاخضر كميات ..وخليهن في الثلاجة يبردن شوي وعطيه بيعيبه والعنب بارد لان العنب يمشي بطن اليهال ..وعلى طوووول خليه ياكل لانه فيه سوائل تنفع للامساك ..وعطيه عصاير نكتار ..
سويله الملوخيه وخلطيها مع العيش ولا تكون مثل الشوربه ,,,وبعد الباميا تسونها صالونه وتخلطون بها العيش له …وابعدي عن الشااااهي …الياهل يعيبه الشي دافي سخنيله حليب فريش مب(( ابو قوس ))وحطي خاشوقة سكر <<<نصيحه اعطاني اياها دكتور اطفال في عيادة الزعفرانه كنت اشتكي من بنتي مرات تكون عندها امساك ..قال مع الحليب معلقة سكر ..يلين البطن

اما عن القطعه اللي تحت والله ما اعرف شئ وان شاء الله يفيدنج البنات

فديته الله يعافيه ويخف عنه الامساك …
وإذا خايفه بسبة اللحمه الزايده وديه احسن عياده ولا مستشفى …

وبالنسبة لاكله ,, اممممم الروب بعد يسوي امساك ,, وقفيه عنه .. ومثل ما قلتي البطاط ..
كثريله من العصاير والفواكه … العنب يسهل البطن عطيه اياه ..
عصير البرتقال زين …
والصبح ع الريج عطيه ماي وفيه خاشوقة عسل ,, يلين البطن ..
وإذا الامساك طول عنده يعني وصل لليوم الثالث مثلا وما سوا شي ,, حطيله تحميلة الجلسرين ..

انا عانيت وايد وي بنتي ف الامساك >_< ما خلينا شي ..
وكل حد كان يقولي بنتج مب طبيعيه واكيد فيها شي بسم الله عليها …
بس الحمدلله هكيه كبرت وراح عنها ,, وافتكينا من معاناة الامساك الحمدلله ..

مشكوره الغاليه عالمعلومات …. بس والله لو اقولج شو قد ولديه ياكل من العنب مابتصدقين ماشالله عليه يمووت عالعنب ويوميا تقريبا ياكل منه لدرجه انه اذا جاف سلة الفواكه انعرف انه بيروح ياكل العنب وماشالله ماشالله ياكل العنب كله الي فوق السله … بس مافي فايده حتى والله البارحه اقول حق عمتيه ((مش اتقولون انه العنب يسوي امساك؟ قالت هيه صح قلتلها ويا ولديه ابدا ماجفت نتيجه)) حتى استغربت !!!

مشكورة الغاليه .. وقري سالفة ولدي مع العنب فوق ههههه .. هوه صح فيه امساك بس فديته يسوي يوميا يعني حتى ساعات يسوي 3الى 4 مرات فاليوم بس يكون امساااك فضيع وطبعا يسوي شي بسيط جدا جدا ……

مرحبا الغالية
انا عندي حل بسيط وسريع
بس يبالة عزيمة منج ولا تخافيت مجربتنها مع ولد اختي وكان عمرة سنة ونص
الطريقة هي انج تاخذين ابرة الدواء الي فيها راس صغير وحطي فيها 5 مل زيت زيتون
واحقنية فالفتحة الشرجية
وان شاء الله بتدعيلي
ولا تحطين صاااااااابون انتبهي خطير ويحرق الطفل حراااااااااااااااام
وبعد مايسهل بطنة عطية عصير برتقاااال
واقطعي عنة الروب والسيرلاك والبطاطا
وعوضية بالتمر والفواكة والخبز الاسمر وغيري حليبة يمكن هو السبب
ام جنى