شحالكم خواتي انا كل يوم منزلة موضوع اسالكم فيه
ماعندي حد اساله غير امي وام ريلي بس ابي حد عنده يهال صغار
المهم خواتي مثل مايبعضكم يعرف عندي توام اعمارهم 7 شهور
مب عارفه تطوراهم لازم تكون مثل الاطفال العاديين اللي بسنهم ولا اقل؟؟
يعني متى يهالكم بدوا يزحفون؟؟
التسنين بدوا يسننون الولد طلعله سن والسن الثاني شكله بيطلع جريب
و البنت طلعلها بس سن واحد
للحين بس ينقلبون مابدوا يزحفون
اكلهم الحمد لله تمام و اكلهم كله خضار و فواكه و اكل مفيد
الحين ابي حل لمشكلتي اللي مب لاقيتلها حل
خواتي انا عودتهم ينامون كل واحد بسريره من هم صغاار
بس الحين اوقات اييبهم ينامون بسريرنا لان مااقدر كل شوي اقوم لواحد منهم
لان الدوخه واللوعه تذبحني بس اقوم من السرير
و الشي الثاني للحين ينشون وايد بالليل خاصتا ولدي ينني والله
ارضعه واوقات يحتاج ابدله البامبرز و يبيني اهز وامشي فيه لين مايناااام
خواتي انا حامل بالرابع و تعبااانه حيل منه ماشي رقاد ولا راحه طول الوقت صداااع و دوخه
و احس صحتي راحت منه ومن الحمل وخايفه من الشهووور الجايه راح يتعبني اكثر
انا عندي خدامه بس مستحيل انومهم عنده وريلي مايساعد ابد اوقات اذا ثنينهم يصيحون يمسك واحد يعطيه المصاصه و بس
شسوي عطوني حلول بليز لاني تعبااااانه الحين قبل ساعه ونص رقد و الحين اسمعه يصييح
منتظره ردوكم خواتيي
حبيبتي تطورات النمو عادية مثل أي طفل عادي وماشاء الله ممتاز طلع لهم أسنان أما حركة البيبي من مشي من زحف أو يلسه تختلف من طقل لطفل فلا تقعدين تركزين عليهم وخليهم تحت رحمة الله أما النوم على سريرج مول لا تعلمينهم هالشي لأن بعدين وااااااااااايد بيلعوزونج فتحملي غناتي فترة ويبكبرون أما ولدج جداااااااا عادي يقوم من النوم يبغي حليب وتبديل لأن في سن هو يحتاج هالشي وطبيعي جدا رقاده ما يكون منظم
نصيحتي لج حاولي تنظمين لهم وقت النوم والأكل وايد بيسهل عليج التعامل معاهم وخلي الخدامة تساعدج وتمسكهم وتلاعبهم وتأكلهم وتنومهم في النهار بس هذا كله يكون تحت عينج والله يعينج
بس حبيبتي ادعي دايما أن ربي يسهل عليج
المشاركة الأصلية كتبت بواسطة أم حتوس 
اختي مااقول غير الحمد لله
هالحمل صار بدون تخطيط لو علينا مانبي الا اذا صار عمر التوام 5 سنين
بس رب العالمين اراد هالشي والحمد لله عكل حال
المشاركة الأصلية كتبت بواسطة جلابية سادة حبيبتي تطورات النمو عادية مثل أي طفل عادي وماشاء الله ممتاز طلع لهم أسنان أما حركة البيبي من مشي من زحف أو يلسه تختلف من طقل لطفل فلا تقعدين تركزين عليهم وخليهم تحت رحمة الله أما النوم على سريرج مول لا تعلمينهم هالشي لأن بعدين وااااااااااايد بيلعوزونج فتحملي غناتي فترة ويبكبرون أما ولدج جداااااااا عادي يقوم من النوم يبغي حليب وتبديل لأن في سن هو يحتاج هالشي وطبيعي جدا رقاده ما يكون منظم
نصيحتي لج حاولي تنظمين لهم وقت النوم والأكل وايد بيسهل عليج التعامل معاهم وخلي الخدامة تساعدج وتمسكهم وتلاعبهم وتأكلهم وتنومهم في النهار بس هذا كله يكون تحت عينج والله يعينج
بس حبيبتي ادعي دايما أن ربي يسهل عليج
مشكورة الغالية على ردج
ريحتيني والله الحمد لله ان تطوراتهم جيده لعمرهم كنت شايله هم الصراحه
بالنسبة لولدي امس من كثر ماصاااح وانا تعبانه ومافيني اعصاب اتحمل
حبيبي طقيته على ايده بس ماتعور بس طول الليل وانا اصيح عليه
ادري مو ذنبه اني حامل و تعبانه بس شسوي لا يكلف الله نفسا الا وسعها
بحاول هالايام ارجعهم لسرايرهم و انظم وقت رقاده لولدي لان بنتي الحمد لله مو متعبتني
حتى الرضعه ترضعها و هي مغمضه ماشاء الله عليها
والله يعيني و يقويني
متى تفضين طرشيلي رساله ع الخاص
لاني مريت بنفس اللي مريته
يبت توأم والله كتب اني حملت عليهم وعمرهم 5 شهور
والله وايد تعب بس فتره وتعدي
عندي كلام وايد لج مابقدر اقوله ع العام والله يعينج ويسهل عليج