أخباركم أمهاااات؟
بغيت أسالكم عن دمج الرضاعة الطبيعية ويا الصناعي
لاني أرضع وكنت أعطي ولدي حليب إس 26 بس ما عيبه وعقب بيبيلأك وعقل سميلأك
بس استوا عنده إمساك وغازات
مب عارفة شو إسووووي ؟؟
هل من مضرة إذا دمجت النوعين من الرضاعة؟
ويزاكم الله ألف خير
نصيحة رضعيه طبيعي قد ماتقدرين،، أنا تغربلت ويا ولدي رضعت طبيعي بس اسبوعين وكانت صحته زينه
حضرت ابوه قالي فطميه وعطيه صناعي عشان آخذ علاج واحمل بسرعة (باطفال انابيب) ويكون عنده اخو
بسبت ضغطه عطيته صناعي مع الطبيعي كم يوم وبعدين بس صناعي .. على نهاية الاسبوع الثالث رحت اوديه الطوارئ تدهورت صحته وما رضى يشرب غير الماء!!! 24 ساعة مايدخل بطنه شي كله يرجع،، في المستشفى قالول لي معدته متهيجة لأني غيرت له الحليب في اسبوع واحد اكثر من مرة (ماحب إس 26 ، فغيرت له نان.. امساك،، فغيرت له حليب نسيت اسمه من الصيدلية عن الإمساك..) المهم سارت قصة طويلة وعريضة
الحين عمره اكثر من سنة ونص و وايد متغربله معاه في الأكل والحليب
وتندمت ندم شديد اني مارضعته من صدري… على الأقل رضعيه لين تسع شهور من صدرج… خاصة انه ماحب اس 26 يعني ولدج مو سهل في الأكل.. ماشاءالله الاطفال اللي حبوا إس 26 ماعندهم مشاكل في الاكل بعدين…
وتقدرين تشفطين وتحطين في الثلاجة اذا كنت موظفة او ناوية تطلعين وماتريدين ترضعينه من صدرج برع البيت تشفطين وتخلينه في المرضعة وتاخذين معاج…
هل مافيج حليب ..؟؟ او موظفه ..؟؟ او تطلعين ..؟؟
و من رايي و تجربتي رضعيه من صدرج .. و خلي الصناعي للحايه ..؟؟
او رضعه فاليوم قبل الرقاد عشان تشبعه اول الليل و يرقد و يوم ينش من صدرج …
أختيه بيرل جميرا أنا أرضعه طبيعي بس وقته الطلعه أعطيه صنااعي
يسرب مرضعتين في اليوم تقريبا. … بس أرضعه طبيعي يوم أكون في البيت
وودي أوقف الصناعي بس أحس صعب والطلعه بدون صعبة وخاصة اني ان شإ لله بكمل. دراستي
فرّج همي ويسّر أمري……..وارحم ضعفي وقلة حيلتي
وارزقني من حيث………..لا أحتسب يا ربّ العالمين
