السلام عليكم
بنات انا حدي متضايقة واييييييييد
انا مربية و عمر ولدي 3 شهور و اسبوعين
زاد وزني 12 كيلووو
جربت كل شي من رياضة و رجيم خفيف ما جفت اي نتيجة
و يوم اسوي رجيم ولدي ما يعيبه طعم الحليب 
و احس شهيتي مفتوحة للأكل عقب ما ارضع او اشفط
علاقتي مع زوجي تغيرت للأسوء ما ادري جسمي ثجيل لا قادرة البس ولا اكشخ و اتعب بسرعه من الحركة و الطلعة
اي شي ابغي استخدمه ما اقدر لاني ارضع ،، اقصد حبوب سد شهية او ابر او اي شي
انا ارضع ولدي طبيعي و اعطيه صناعي يعني الاثنين
فكرت اوقف الطبيعي و اسوي رجيم و اكل حبووب تسد الشهية و اهتم بنفسي
بس فديته ضميري يأنبني
اقول حرام اوقف عنه الحليب
والله متضايقة من ها الوزن اللي ما ينزل
تحسون عادي اوقف الرضاعه
عطوني حل عملي
لا توقفين رضاعه لان اصلا الرضاعه هي اللي بتنزل الوزن بالعكس زيدي من الرضاعه الطبيعيه ووقفي الصناعي الجسم يحرق بسرعه وكل الحريم يضعفون من الرضاعه الطبيعيه
وسالفة الوزن يبالها صبر انتي توج مربيه يبالج فترة جسمج يرد لطبيعة وانتي عليج بالاكل الصحي وامنعي الغازات نهائيا والاكلات الخفيفه وبعد سوي رياضه في البيت لو عندج جهاز مشي استخدميه كل يوم احسن وقت الصبح خلي ولدج راقد وسوي رياضه نص ساعه وصدقيني كل الوزن بيختفي بس لازم اتحاسبين علي اكلج
وربي يوفقج
سيري سوي فحوصات الغده والفيتامينات بعد الولاده تتغير وتتلخبط الهرمونات ومب كل وحده شرات الثانية
اذا تبين تسوين رجيم اكلي اكل صحي جسمج محتاج تغذيه وأكل زين وكثري من السوائل والفواكه والخضروات وابد لا تقربين من الفاست فود والحلويات والمنبهات
لا تغرين في اكلج فقط قللي بالتدريج و حاولي تحسبين عدد السعرات
جسمج بعده تعبان من الحمل و الولاده لا تقسين عليه
و بالنسبه للتعب حللي دم يمكن عندج فقر دم محتاجه فيتامينات
خاصه ان الفتره القادمه بيبتدي عندج تساقط الشعر و هي مرحله طبيعيه
بالنسبه للعلاقه انصحج ما تظهرين اهتمام زياده بالطفل على حساب ريلج لان الغيره موجوده
حاولي تمشين على نظام السعرات الحراريه أفضل نظام ممكن يكون نظام حياتج
الريجيم ما تقدرين تستمرين عليه بس بنظام السعرات تقدرين تاكلين كل اللي تبينه بدون حرمان
و اكيد الرياضه مهمه جدا لانها بتشد الجسم و تمنع الترهلات
اتمنى اكون افدتج ^_^