عندي مشكله اعانيها من يوم كنت صغيره مع الادويه
وهي فوبيا من بلع الحبوب 
اتمنى ماتتطنزون وتعلقون ترى صدق هذا نوع من انواع الفوبيا حتى كم وحده من اهلنا نفس حالتي 
وحاولت وجاهدت كم مره اتدرب على بلع الحبوب بس قلبي يدق بسرعه واشرب الماي بقووه لدرجه اخيس نفسي بالماي
بس اذا حبوب صغار الحمدلله ابلعها بدون مشاكل ..
انا حامل في البدايه وطبعا حمض الفوليك لازم اخذه والحمدلله انه الحبه صغيره هذه اقدر عليها
بس اختي تقولي عقب لازم تاخذين حبوب الحديد والكالسيوم وحجمهم كبير 
تخيلو انا من الاشياء اللي كنت احاتيها اذا حملت هذه الحبوب
الله يخليكم اذا تعرفون حبوب كالسيوم او حديد احجامها صغيره او ممكن اكسرها
او اذا ممكن استغنى عنهم وشو الاغذيه اللي ممكن اعوضها بدال هالحبتين
مووول لا تحاتين !
بخصوص حبوب الحديد شي في مومباي حبوب حديد على شكل كبسولات صغيرة تنسرط بمنتهى السهولة لأنها coated
شوفي اذا حد ساير الهند ييب لج اياها
وبخصوص حبوب الكالسيوم أنا بعد ما أحبها لأنها عودة
شي بديل لها في الصيدليات دوا اسمه Osteocare
وهو أنواع للصغار وكبار السن والمرأة
وبعد للحامل اسمه Pregnacare
وهاي صورته
يالا اشكريني بسرعة
حبيبتي الدماني مشكووووووره وايد وايد عالمساعده صدق انقذتيني
عيل راح ادور على حبوب الكالسيوم ^^
اما الحديد للاسف محد بيروح الهند
ياليت يوفرونها ويريحونا
المشاركة الأصلية كتبت بواسطة بنت الشوامخ 
حبيبتي الدماني مشكووووووره وايد وايد عالمساعده صدق انقذتيني
عيل راح ادور على حبوب الكالسيوم ^^
مب حبوب يا ماما 
الـ pregnacare على شكل شراب مب حبوب 
يعني أحسن
دوم أتحرطم أقول ليش مايسوون فيتامين حلاو
للحوامل
بس أشربها غصب عني ريلي يزهبهم لي بس الكالسيوم ماشربها لن يوميا ماشاء الله
أشرب ربع لتر حليب والدكتورة تقولي يكفيج
الله يسهل علينا وعلى كل الحوامل يارب .
انا بعد ماعرف ابلع الحبوب واخواني كلهم شابهوني نفس المشكلة
وكنت احاتي اقول مستقبلاً يوم بحمل كيف باخذ الحبوب لاني اشوف الحوامل ماعندهن شغل غير يبلعن
قدر الله و مرضت صارت عندي لخبطة فالهرمونات و عطوني حبوب اكلهم يومياً عشان هرموناتي تتعدل وهالمرض هو اللي خلاني ادور حيلة عشان اعرف ابلع الحبوب.
ف قمت اخش الحبه ف تمرة وابلعها ما حس بالحبه تكون داخل التمرة والحمدلله مشت معاي هالطريقة.
فاكتشفت انه عندي حاجز نفسي اخاف من بلع الحبوب بس اذا بواسطة شي مثل الاكل عادي الامور تمشي.
عاد جربي وطمنينا 