السلام عليكم خواتي كيف الحال عساكن بخير
الله يسلمكن ابا اعرف كيف اسوي عيش ابيض
اعرف بتقولون سهل بس ماااااا اعرف كيف اسويه كل مرة ما يجي حلو 
و الله يسعدكن فالدنيا والآخرة
شوفي الغاليه اول شي تييبين كوبين عيش وتغسلينهم زين من التراب والوسخ وبعدين تحطينهم في ملّه مع شوي ماي لمدة نص ساعه
بعدين تغلين ثلاث كوبات ونص ماي في قدر وتحطين لكل كوب عيش ملعقه ونص صغيره ملح يعني للكوبين بحط ثلاث ملاعق صغار واخليه يغلي لين يبدا الماي يقل ويصير فيه مثل الثقوب ( بس ما يكون ناشف من الماي )
اخفف النار لآخر درجه واخيله لمدة ربع ساعه ما افتح الغطا علشان يتبخر العيش
وسلامتكم
بعدين تغلين ثلاث كوبات ونص ماي في قدر وتحطين لكل كوب عيش ملعقه ونص صغيره ملح يعني للكوبين بحط ثلاث ملاعق صغار واخليه يغلي لين يبدا الماي يقل ويصير فيه مثل الثقوب ( بس ما يكون ناشف من الماي )
اخفف النار لآخر درجه واخيله لمدة ربع ساعه ما افتح الغطا علشان يتبخر العيش
وسلامتكم
كل كوب عيش يحتاج لملعقة ونص طعام ملح
وكل شخص لـه كوب عيش
تحطينه في مله وتغسلينه مرتين او اكثر ..
وتحطين الكميه الي تبينها في ماي مغلي مع كمية الملح المناسبه للأكواب .. وتحطين الي تبينه مثلاً مسمار أو ورق غار .. أو زبده …. وبعد 10 دقايق شوفي العيش وجربي إذا بعدها الحبه يابسه والا .. وإذا تحتاج خليها زياده 2 دقيقتين وارجعي شوفيه …
وبالهنا 
اختج
شيخة الحريم
الطريقه بالصور
جزااااااااااااكن الله خير مااا قصرتن
انا طريقتي بعد غسل الرز تمام ونقعه شي نص ساعة او اكثر
احط القدر داخله ماي على النار وبس يغلي احط ملح وهيل شوي
واحط الرز وبس يستوي اشله بالمصفاة اصفي الرز وارد احطه على النار واحطي زيدة او سمن
يعني الماي اشله ما اخليه مع الرز
والله يسهل لج يارب