العيش بالزبده بديل للعيش الأبيض..
شفت الطريقه في برنامج منال من زماااان .. ومن يومها وانا انوع بين العيش الابيض والعيش بالزبده خاصه لما اقلي الدياي او السمج ..
المقادير (انا مسويه لجيله وحده,,, يعني لنفرين)
بصله متوسطه قطعيها شرايح او جوانح…..
ملعقة ملح
ملعقة كركم
بهارات منوعه (فلفل اسود حب..عود قرفه… مسمار..حبات هيل …كمون او سنوت…ورق غار)
ربع قالب زبده (لو كان الحجم كبير)….. اما لو الحجم الصغير استخدمي نصف القالب
لاتنسين العيش (نسيت اصوره) … جيلة عيش غسليها عدل .. وصفيها عن الماي ..لاتنقعينها
الطريقه:
نذوب الزبده… ونحط البصل ونشوحها عالخفيفه .. لاتخلينها تحمر ..
وضيفي عليها الملح والبهارات الحب والكركم.. وحركي ..
عقب ضيفي العيش على طول وحركي لين ما تمتزج كل المكونات …
شلي الجدر من عالنار وحطي الحديده تحتها عشان ما يحترق العيش لما نسكر عليه وردي الجدر عالحديده
عقب صبي ماي مغلي عالعيش… يكون شوي اعلى عن مستوى العيش…
هنيه عقب ما ضفنا الماي المغلي…
غطي العيش بالقصديرعدل .. سكريه من عالجوانب عشان ما يتسرب البخار.. وسكريه بالغطا ماله..
وطي عالنار … خليه من 20 الى 25 دقيقه…
هنيه شلنا القصدير … لو ماتحبين البهارات الحب تقدرين تشلينها
انا شليتها من العيش…
اليوم سويت العيش مع الكباب
هذا الاسبوع اللي طاف سويته مع دياي مقلي …
واسمحولي على رداءة التصوير تراني استخدم الموبايل.. ولما اصغر الصور تطلع مشوشه شوي ..
وبالعافيه عليكم
رووعه
تسلم ايدج يالغلاا
بغييت اسالج تحسين ايدج يبين فيها الزيت والاا تحسينه بس ف الطعه
المشاركة الأصلية كتبت بواسطة مرحباني 
رووعه
تسلم ايدج يالغلاا
بغييت اسالج تحسين ايدج يبين فيها الزيت والاا تحسينه بس ف الطعه
لا ما يبين فيها الزيت
بالعكس الزبده يكون طعمها حلو وايد ..وريحة العيش خبال …
تقدرين تقللين كمية الزبده لو بغيتي
المشاركة الأصلية كتبت بواسطة mini_bites الله يسلمج اختي
ان شاء الله اجربها