دخيلكم الغاليات عندي عصبة في الرقبه اكثر من اربع شهور وكل ما ياها اتزيد عليه والالم وصل الى الكتوف. عيزت ما خليت لزقه حارة كريمات جربه حاره، مساج عند التايلنديات بس ما في فايده. سويت اشعه ما طلع عندي شي ويقولي الدكتور مجرد التهاب وما خله مسكن ما كتبه لي. عاد انا وحياتي الحبوب ما اطيقهم مول. فديتكم حد عنده حل يساعدني بحرمه اتشيل العصبه او مركز خاص حق هاي السوالف.
جربي تحطين مطارة حارة
بخف الويع
بخف الويع
الله يشفيج …………..بس التهاب اقوه من العصبه اذا ما علاجتي التهاب ما بخوز يكون عندج نقص في فتامين الله يشفيج 
اختي جربي اللزق مال تايلند والمعصار الكبير عليه صورة ريال بعد وايد زين
واذا تعرفون حرمه تيود العصبه يكون احسن والله يعافيج الغلا
سلامات فديتج ما تشوفين شر
والله ما عندي خبره
والله ما عندي خبره
سلامات الغلآ ،،، ان شاء الله البنات يفيدوج
الله يكون في عونج…
ريلي نفس الشي ما خليت شي ما سويت له واتخف كمن يوم بس وترجع… اخر دكتور سرناله قاله لا اسويلها شي وسير اسبح في البحر..؟؟ عاد الحين بنجرب هالطريقه وبنشوف..
سمعت ان في معياده في بوظبي حق هالسوالف بس شو اسمها ووين مكانها ما اعرف.. واللي يعرف يخبرنا بليييز..
والله يعافيج ان شاء الله..