فديتكن محتاره في السفر والاجازه وابي رايكم وادري ما راح تقصرون

فديتكن احنا بالصيف والسفر حان طاريه بس ما دري الوجه
كنت اجوف في الاخبار انها في احتكالات يضرب سونامي تايلند
واستراليا ونيزيلند صادهم زلزال وغير البارحه
وغير جيه سرت سنغابور وهونك كونك وماليزياء شهر واحد
ريلي يبى يسير اورباء وللعلم هاي ممكن فوق عاشر مره نروحها
بس مب جيه انا شهر تسعه نشافره اذا الله راد لندن سنتين لظروف عمل ريلي
مدري احسها مب مستهله اروح مرتين ولا شو رايكم فديتكم بالفعل حيرانه

مركز الاجواء اليوم طرشوا عالبلاك بيري مسج ينفون احتمال حدوث تسونامي او اعصار ويقولون هذه اشاعة

لكن يقولون احتمال هطول امطار غزيرة على هالمناطق بحكم ان جوها استوائي

بالتوفيق اختي ورحلة سعيدة باذن الله

صدقها اختي عيناوية انا بعد وصلني النفي عالبي و الاشعات تكثر
و ما عليج اختي من كلام الناس

صدقها الاخت طرشولى المسج

فديتكن عيناويه وجرح السنين و برستيج بنوته بس هو مصر يبي يسير اورباء وانا قلت له وجه نظري انه بما انه
بنسير بعد العيد انشالله فما له لزوم نسير مرتين والله حيرانه واياه
وادري ما بتخيبون ظني وبتشاركوني بي ارىكم الحلوه

اختي اذا بتروحين شهر 10 لندن عيل ما انصحج تروحين اوروبا

روحي شرق اسيا احسن لج