فرق السن بين الزوجين كارثه

السلام عليكن يا خواتي موضوعي طارحتنه قبل ولاكن ما ياني الحل الشافي :

بيني وبين زوجي فارق السن قرابت 30 سنه متزوجه من من حوالي 1993 الى اليوم ولاكن الحياه بيننا مستحيله ولاكن في 5 اطفال
لم اكمل الدراسه الثانوية ولا املك وظيفه والحيا معصلجه ويايه
كم مره بغيت ان انفصل عنه لكن اليهال كاسرين خاطري ما احب انهم يعيشون بعيد عني ولا عن ابوهم لني ميربه الطلاق مره بعد ما ابويه طلق امى والله كنا صغار انا وخواتي الثنتين بصدق تحرنا ان امى بعيد الشر عنها (ميته) والناس يسالونا سرتن لين امكن ولا لا ورد ونقول امنا ميته لنهم زرعو فينا انها ميته فكيف يكون حال اليهال اذا انقصلت
لنه ريال بخيل لين ابعد الحدود وكريم برع البيت و سلف لاكن لا تتخبرن داخل البيت والله مايفصل الثياب الا من عيد لين عيد حتى لعب ما ييب لين الياهل الغالى لعبه ولو في الشهر مره عقولت بيكسرها
والله هذه حقيقه مامن الخيال ويوم بتقولين ابغى فلوس ماعندي اريال

امتحنت وياه وش اسوى خبرني الله يخليكن وكل يوم المشاكل ازيد ما تنقص صالى شهر ما اكلمه يمكن يحس لكن ما شيء فايده والله المستعان على هذا الريال

اختي دام عندج منه ما شاء الله خمس اطفال تحملي و استمري يعني اهتمي بعيالج و حياتهم و اصبري و فكرة الطلاق استبعديها نهائيا .. اصبري مثل ما صبرتي من قبل لان الانفصال الان بيجر مشاكل اكثر من مشاكل البقاء معه و يكون في علمج اختي حتى اللي متزوجين و ازواجهم مقاربينهم في العمر حياتهم فيها مشاكل
البيوت ما تخلى من هالمشاكل و مشكلة البخل موجودة حتى مع الشباب الصغار و مشاكل اخرى مثل النزوات و الاستهتار و غيره الكثير ..
حطي همج في عيالج ربيهم و احسني تربيتهم و اصبري و ادعي لريلج انه يتغير فما يرد القضاء سوى الدعاء

الله يعينج حبوبه بس انتي حاولي انج تشوفين شواللي يرضيه وحاولي انج ما تشدين وياه في الكلام وسوي اللي تقدرين عليه يمكن هو يحس بنقص او انج مقصره في حقه حاولي انج تيلسين وياه وتتصارحون في كل شي بينكم 0000يمكن هو عنده شي بس ما يحب يقوله0000000

فديتج ما عليج منه …

ارجعي غناتي لربج واقري سوره البقر وصلي صلات الليل واكثري من الاستغفار …

وقولي هالدعاء لتحنين قلب زوجج.. واقريه 41 مره …

فأن تولوا فقل حسبي الله لا اله الا هو عليه توكلت وهو رب العرش العظيم

حبيبتي هالدعاء والله مجربتنه على زوجي بس زوجي مش مثل زوجج بخيل ومادري شو لا مشكلتنا مرات نزعل بعض بس من اقرا هالدعاء يرجع ولا كنه مستوي شي …

يا رب ارزق صاحبه الموضوووع السعاده والتوفيق ..

ماشاء الله 30 سنه وااااايد

بس سبحان الله صدق كل شيء ف الدنيا نصيب

ماعليه حبوبه مثل ماقالوا الخوات دام عندج 5 يهال شيلي فكرة الطلاق من بلاج نهائيا استبعديييييها

السموحه

السلام عليكن الصراحه اعجبتني نصايحكن والله مايرويكن الذي انا شفته في يوم

الله يكون في عونج