المشاركة الأصلية كتبت بواسطة المشرقه 
بنظري وبحكم تجربتي المطاعم الراقيه تتشابه ف الضيافه والنظافه والرقي ….
(ولاجديد لفت انتباهي ف الصور عن المطعم)
لكن الاكثر من رائع اسلوج اللي ماشفت مثله ف المنتديات ,,,
ربي يحفظج الغاليه ويوفقج يااارب
اليوم بوديكم فندق The Oberoi في مومباي
فندق فخم وهادى جدا للناس اللزيزة الرايقة اللي تحب الرَوَقان 
تم تجديده بالكامل مؤخرا بعد تعرضه للهجمات الارهابية ..
(صورة من النت)
هذا شكله من الداخل ، الغرف مفتوحة على اللوبي …
وهذا شكل اللوبي …
(صورة من النت )
ومن تصويري …
(طبعا الفرق واضح بين تصويري وبين صورة النت
لأن التصوير ممنوع بتاتااااا والسبب دهان تاتااااااا )
وأنا التقطت هذي اللقطة خلسة شوه رايكم في خلسة ؟
غنيمة ما اتعرضت للاعتقال والاستجواب بسبّتكن .gif "12 (46)")
الفندق موصول بفندق ترايدنت (فندقي المفضل) …
بممر طويل من الداخل …
يؤدي الى اللوبي …
في اللوبي يوجد مطعم اسمه FENIX
مطعم ظريف …
حبيت المزهرية اللي على الطاولة لأنهم كانوا حاطين فيها سمجة زينة
يقدم أطباق هندية وكونتيننتال وسوشي تقدم بطريقة فيها فن
منها …
شوربة خيار ونعناع باردة (ما حبيتها وايد لأني كنت يوعانة وكنت أفضـّـلها ساخنة)
كانالوني …امممممم امممم
كاري بالروبيان …
(لا تفوتكم البصلة اللي على بـــِــرْدْ على شكل وردة متفتحة
كباب مشكّل …
طبق هندي …
أما الحلويات …
هذي فطيرة تفاح مع آيسكريم بلوبيري
وتيراماسو مع آيسكريم توت
فقدمولي هالكيك مجانا
صح كان BITE SIZE
لكن تعرفون عاده : الزبيبه ما تشبّع ! لكن ترضي الخاطر
قلت باكله عن خاطرهم لكنه طلع بيعقققققققققققققد …وايد وايد لذيذ !
والحين بنسير الطابق الثاني …
عشان أراويكم مطعم هندي معاصر فريد من نوعه اسمه ZIYA
لازم الحجز مسبقا ..
والمطعم له DRESS CODE ما يدَخــْــلون الرياييل اللي لابسين شورت وصندل مفتوح
ممنوع دخول الأطفال تحت سن 12 سنة …
المطعم له فلسفة خاصة في تقديم الأطباق
ديكوراته وااااااااو …
حبيت الـ CUTLERY SET وايد …
طلع من ماركة LA TAVOLA
يقدم الأطباق الهندية التقليدية بشكل غير تقليدي … يعتمد على اللون والشكل والديزاين
يعني باختصار كل صحن عبارة عن قطعة فنية …
حتى الصحون … كل طبق يوصلج في صحن شكله غير عن اللي قبله
أنا احترت شو أطلب ..
فاقترحوا عليّه أطلب SET MENU فيه من كل شي شوية عشان آخذ فكرة عن اللي يقدمونه ..
البابـّـر على شكل حلزوني والصلصات على الطاولة …
مع لقيمات مالحة لكني كليتهم قبل التصوير
شوربة طماطم بيضا مع روبيان مقلي مغلف بطبقة مقرمشة + جيلي الطاطم وصلصة ﭼتني
سوربيه بنكهة البطيخ مع بقلاوة هندية
(السوربيه الأصلي كان بالشامبانيا ، طلبت منهم يلغونه :
ما فيّه بعد أَأَرْبــَــعــُــهْ بالغلط وبعدين أتسطل
لكنهم قالوا بيستبدلونه بنكهة ثانية واختاروا لي البطيخ وااااااااايد يمي )
أما هذا الطبق فكان عجيييب الصراحة !!
عيش بالمشروم مع بسكوته مالحه وآيس كريم ساخن !!!!!
إزااااااااااااااااااااي ؟!!! ….
^
^
^
^
^
^
^
ما أعرفش !
لكني حبيته واذا رجعت لهم بأرجع أطلبه
وبعدين : دجاج مطبوخ في سكر محروق عليه ورقة ذهب وبطاطس بيوريه مع لقيمات مالحة
ذيل لوبستر مشوي مع كاري طماطم وخضرة يضاف اليه عند التقديم … بودرة كاكاو !!
شي جديد وغريب ولذيذ في نفس الوقت …
قطعة لحم مع مرقة غليظة + سمبوسة حلوة
على ما وصل هذا الطبق كنت أنا ألريدي فــُــل
وما قدرت آكله لكن اتطعمت شوية عن يتم في خاطري ، كان فعلا لذيذ!
وقلت لهم عطوني فرصة أريّح الدّبـَّـه وبعدين هاتوا الديزرت
ويوم يابوه …. انقضـّـيت عليه
الطبق عبارة عن أناناس عليه طبقة سكر مشوي مع آيس كريم ناريل … خوزا عن طريجي
وقالوا لي المرة الياية اذا طلبت SET MENU مرة ثانية
بيقدمولي أطباق مختلفة تماما عن هالمرة …
عشان أجرّب المزيد من الأطباق … فكرة حلوة ، أليس كذلك ؟
لكن هذا ما يمنع انكم تطلبون من المنيو طبقين أو ثلاثة حسب رغبتكم …
باقي بس أخبركم ان المطعم أسعاره غالية عشان تكون عندكم فكرة ..
يعني الـ SET MENUللشخص الواحد بسعر : 350 درهم تقريبا .
أما اذا طلبتوا من المنيو مثلا : 3 مقبلات وثلاث مين كورس
ممكن توصل الفاتورة 850 درهم ..
وكلمة أخيرة : هذا مطعم مختلف ! للناس اللي يحبون يتذوقون الأكل الغريب والجديد…
فاللي ريلها يحب المجابيس والبرياني والصوالين
ويفضــّــل الكم على الكيف
فنصيحة مني لا تودينه هذا المطعم
أخاف يكتب فيج قصيدة فكاهية
على نهج قصيدة الشاعر "الكبير أوي" فتحي عادل السعدني
ويقول عنج :
حبيبتى أكــّـيله
حبيبتى أكـّـيله بتحب الأكل أكتر من عنيها
أيوه مفجوعة وبتحب تلـُغ
قلبى يدق من حبها ميت دقة
ودى مش بتفكر غير فى المعدة
اللى يهمها الغدا والعشا
وأنها تأكل أكلة كويسة
لما بكلمها عن الحب والشوق
تكلمنى عن الفراخ والرز
ولو جبتلها أسورة دهب
تقوللى كنت تجيب كيلو سمك
حبيبتى مش بتفكر غير فى المعدة
بتقول على المشاعر والشوق حاجة تافهة
شايفة أن حب المعدة حب باقى
وحبى وشوقى ليها كلام فاضى
بتقوللى حبك ده هيفيدنى بإيه ؟
ده أنا لو كلت كباب وبفتيك ..
.. هـَمْـلى معدتى واعدل مزاجى
لكن حبك كلام فاضى
لما بسهر معاها بكلمها فى القمر والنجوم
تكلمنى هى فى البط والخروف
لو جات تقابلنى مرة
ولقت حلة محشى ..
تغرق فى الحـَـلّـة
وتدينى ميت بُمْبة !
بخاف على نفسى وأنا معاها
ممكن تأكلنى لو جعانة
لو خيّروها بينى وبين السبانخ
تاخد السبانخ وتقول عليّا مليش عازة !
ويوم "ما لكش عازة" شو ميلسنك وياها عيل ؟!!!!
تسلمين حبيبتي ع التقرير الحلو
عسساج ع القوة حبيبتي
الله يعطيج العافية حبوبة
انا ما احب الاكل الهندي … بس حبيت اكلة من اول نظرة .. كيما و برتا
تسلمين ع التقرير … و شكلي غصب بحب الأكل الهندي