فيج أرق ؟؟ضيقه؟كآبه؟حزن؟نفستج تعبانه؟دشي وبتنحل مشكلتج بأذن الله .

يبدي من(( أفكاااار سلبيه)) (مثل انا متينه ,انا مو حلوه ,يعيبون علي,,انا فاشله ,كله اسقط ,,, والخ,,,),,هذي الافكار السلبيه تتراااااااكم مع الايام والشهور بدون ما تحسين فيهااااا ,,>>>>>>>>>>>>>>>>> تؤدي إلى(((مشااعر سلبيه))) مثل ضيق وقمته وحزن وكأبه ,,إالخ,,,وهذي المشااعر تتتراكم مع الوقت>>>>>>>>> تؤدي إلى(( سلوكيات سلبيه)) مثل أرق (ما اقدر انام, شهيتي متخربطه بالاكل ,, ماقدر ادرس ,,مالي خلق الناس ,مالي خلق اطلع ,,الخ,,)

ملاحظه ,,هذا مخطط علمي يعتمدون عليه الدكتاتره النفسيين لعلاج الكآبه والضيق عند الناس,,
(( شفتو شلون الحين لازم تعرفين انتي وين مكانج بالضبط من هالمخطط ,هل انتي بمكان الالافكار السلبيه ( مثل تفكرين انج موحلوه) ,,عيل انتي بأمان بس لحقي على عمرج وشيلي هالافكاار من رااسج قبل لا تتحول حق مشااعر وسلوكيات ووثقي بنفسج ,اهتمي بنفسج ,حبي نفسج عشان الناس تشوفج حلوه ,حاولي تتغيرين بستايلج وميك ابج مثلا, كله قولي انا حلوه حق نفسج ,كله حطي ابالج ان حتى لو انج مو حلوه كفايه نفسج حلوه , ,,
والناس الحين ملت من الشكل الحلوو, حتى أنزل ناس بالمجتمع واسوأ ناس اخلااقا ,يقدرون يصيرون حلوين ويطلعون لنا بأحسن شكل,,, مو هذا المهم,,المهم حلاه الروح والشخصيه ,,لان هذا الشي النادر الي الناس فاقدته هالايام,,
اذا حبيتي نفسج راح الناس تحبج حتى لو كنتي جيكره,,
تشوفين وحده حلوه بس اخلاقها مو حلوه شالفايده؟اكيد ريلها بيطلقها..
(هذي شغلات يبيلها تفاصل واذا تكلمت بتفاصيل ماراح اخلص,, بس الي تبي تستفسر اكثر تدزلي خاص,,

المهم,,
واذا كنتي بمكان السلوكيات ,اذا غيرتي الافكااااار اهم شي,, رااح تتغير المشااعر وراح تتغير السلوكيات معاها,, وكل شي يبيدي خطوه حطوه ,,
أدري بتقولين ما اقدر أغير فكرتي بيوم وليله ,بس انا بقولج تقدرين بس خطوه خطوه,, مو فجأه تغيرنها من راسج,,

في وايد طرق عشان تتغلبون على هالافكار,, بس بصراحه ما اقدر اكتب كل شي بموضوع واحد,,

االاكتئاب او الارق او الضيقه مااا يجي مني والطريق!!!
لاااااازم يكون فيه مشاكل عندج أثرت على نفسيتج,عشان جذي لاااااااازم تعرفين السبب قبل كل شي,,

ييبي ورقه,,,وقسميها حق 3 خانات ,,
كتبي تاريج اليوم وتاريخ باجر ,,,والي عقبه ,,

,وكتبي باليوم الاول,, شنو سويتي من اول مااااقمتي ليييييين متى ما نمتي,,وحتى افكاااااارج كلها كتبيها ,,(عشان نعرف شنو المشكله الي ماتخليج تنامين وشنو الافكار الي تفكرين فيها وايد ,مرات تكونين غافله عنها بس اهي تضايقج ,ومرات تكون اهي فكره وحده بسسسس, اهي تتكرر وايد ,واهي تييبلج الضيقه,,

كتبي مثلا ,

**اليوم الاول:
قعدت الساعه 12 الظهر,
راحت علي صلاه الفجر
عقب ما غسلت وصليت الظهر تريقت ,,
وعقبها كلمت رفيجتي زفتني على مثلا ليش مادوامت,
وعقب فكرت اني متينه واخوي عيب علي,,
وتهاوشت ويا زوجي على سبب سخيف
مثلا سقطت بالامتحان,,
قريت قرآن ,
ساعه 8 طلعت السوق ,
الساعه 10 شفت فلم
الساعه 12 رديت البيت قعدت بداري اسمع اغاني ,,
الساعه 1 ,شبكت بالنت ,لي الساعه 3 الفير..
…….وإلخ ,,
وعقب ,,, كل فكره وكل شي تسوينه كتبيه ,حتى وقت النوم كتبيه ,,, عشان نعرف شنو الاشياء الي ضاايقتج ونحلها خطوه خطوه..

,,,,,,,,,تحليل الجدول,,,,,,,
الحين مثلا ,,, بنجي نحلل الجدول الي سويناه ,,

بتلاحظين ان صلاه الفجر راحت عليج ,اكيد بتحسين بضيق وبقمته اذا قمتي اليوم الي وراه ,,
شي طبيعي اذا ما صليتي مارتاحين بيومج ,,

(الحل) انج تحطين لج منبه وتصلين بوقتها وتردين تنامين,,,

-بتلاحظين ان اخوج عيب عليج وقالج متينه ,

(الحل) اهني نشوف اذا انتي واثقه من نفسج وعادي عندج ,حقريه ماتهتمين حق الموضوع كلش ولاتعيرين له اهتمام,,

اما,, اذا كان هالشي يأثر على حالتج النفسيه ويضيق خلقج,, لازم تتغيرين,,
مثلا تحاولين تضعفييين تسوين لج رجيم,,وتدشين نادي او تروحين دكتور تغذيه ,,المهم بأي طرييييقه تحلين مشكله الوزن الزائد عشان تريحييييين نفسيتج,,,

-بتلاحظين ان خلاف مع زوجج ,او كلمه زوجج دايم يقطها عليج يمكن اهي تعكر نفسيتج وتضيق خلقج,,,

(الحل) انج لاااازم تحلين هالموضوع بطريقه حلوه ,مثلا تقولين حق زوجج هالكلمه ما احب تقولها لي لانها تضايقني حيل,,
او انج تحاولين تحلين الخلاف بينكم عشان مايتراكم ويسبب القلق ,

-بتلاحظين انج مثلا سقطتي بالامتحان ,,اكيييييد السقوط يأثر على النفسيه ,اكيد بيضيق خلقج وبتحاتين انج تعيدين الماده او السنه ,,وجذي وخصوصا الشخص الي فيه اكتئاب أي ضيقه بسيطه تأثر على نفسيته للأسوا ,,

(الحل) انج ما تعطين مجااال حق أي شي موزين يصيرلج بحياتج كثر ماتقدرين,,
يعني كنتي تقدرين تدرسين حق الامتحان,,
مثل ما تعرفون ((الله عمره ما يضيع تعب ابن آدم ))

أو مثلا لو كان الامتحان صعب ,,وانيتي سويتي الي عليج فهذا أمر مكتوب ,وعسى ان تكرهو شيئا هو خير لكم ,وانشالله بتعوضينها ,,وانشالله هذا بيكون دافع لج حق النجاح والله بيعوضج,,

-الاغاني : الاغاني معروفه انها تميت القلب,,
واكيد بتعكر النفسيه ,وحرام وربج ما راح يرضى عنج ,,
استبدليها بأناشيد او على الاقل حاولي ما تسمعينها بعد ال 12 بالليل
لان هذا وقت نزول الله سبحانه بالسماء الدنيا,,
((والله سبحانه يقول بما معناه ,فهل من داعي فأستجيب له,,))

يعني حرام تضيعين فرصة الدعاااء الحلوه هذي ,ابسماع الاغاني وبشي حرام,,
استغلي الفرصه .

وادعي,,

وأحسني ظنج بالله ,,

عن أبي هريرة – رضي الله عنه – قال : قال النبي – صلى الله عليه وسلم – : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) . حديث قدسي

_الثقه بالله ,,

ثقي الله ان الله راااح يجيب دعوتج ,,وحتى لو ما استجابها الحين ,,
راح يستجيب لها بعدين وتأكدي ان مخبئ لج الاحسن مع الاياام,,
……….
لاحظو اذا عرفتو السبب راح تنحل كل المشاكل انشالله,,
بعدين ,,
__ ابتعدو عن الناس الي تسوي لكم مشااكل ,,
ابتعدي عن الناس اي يقطون عليكم كلام عشان ماتنغثون!!

_____________________________

*** بداية يوومج الاول ,,,

وتقولين,,
1-أيه الكرسي والمعوذاات والاخلااص.
2- (اللهم غارت النجوم وهدأت العيون وانت حي قيوم, أنم عيني واهدأ ليلي ) تقولينها 7 مرات ,,
3-(بسمك اللهم وضعت جنبي وبك ارفعه اذا امسكت نفسي, فارحمها وان ارسلتها فاحفظها بما تحفظ به عبادك الصالحين )
4-( بسمك اللهم أموت واحيا ),,
5-استغفري وسبحي لييييييييين تنامييييييييييين ,,

وطبعا اذا كنتي متعوده تنامين الساعه 4 الفير ,,مو على طول تروحين فراشج الساعه 9 بليل على ابو بتعدلين نومج ,وتقولين مايالي نوم!!

اكيد ماراح يجيلج نوم ,لان جسمج متعود على نومت الفير مستحيل فجأه بتغيرين نظامج لي الساعه 9 ,,

رحلة الالف ميل تبدأ بخطوه,,

اذا متعوده تنامين الساعه 4 الفير,,

قلتلج اذا قمتي أبجر بساعه ,,راح تنامين انشالله 3 الفير,,
واليوم الي بعده اذا قعدتي مبجر شوي ,, راح تنامين 2 بليل ,,

وهكذا ,,يبيلج وقت ,,

وكل الدكاتره النفسانيين يقولون اذا اسلوب حياه سويتيه 3 اسابيع راح يصير عندج **عااده **

يعني اذا استمريتي على هالاسلوب 3 اسابيع وفوق انشالله انشالله بتصير عاااااده عندج انج تنامين مبجر وتقومين مبجر ,,,

واذا تبون أي تفصي انا مستعده ,,
سوري طولت عليكم ,
بس حبيت افيدكم بتجربتي ,,وما حبيت ابخل على احد,,

انشالله تستفيدوووووون ياارب