سويت عملية بحث بالمنتدى ما لقيت حاجتي فية .. من وجبات خاصة او نظام معين للاكل يقدم لمريض السكري … من ايجابيات بعض انواع الاطعمة وسلبيات اخرى . :1 (7):
انا عندي بالبيت الوالد مريض بالسكري توصل لبعض الايام من 200 الى 490 !!! :1 (5):
اليومين الاخيرين نسبة السكر بالدم 375 الى 490 … صدق الواحد:1 (36): يخااف
فقلت راح امسك انا بنفسي جدول الاكل خاصة له وما راح اخلية ياكل شراتنا:1 (22): الصالونة والعيش بكثرة بالغدا او اللحوم وغيرها من انواع الطعام الل تسبب زيادة بمستوى اسكر لدى مرضى السكري.
بنات ياليت كل وحدة عندها احد مريض بالسكري تكتبلنا شو الاكل المستخدم بالوجبات الثلاث:1 (8): فطور وغداء وعشااء
ومكونات الاكل بكل وجبة عشان نفيد بعضنا لمجتمع اقل عرضة للاصابة بالامراض الناتجة من ارتفاع السكر. :1 (68):
وعشان كل حد بالمنتدى واللي ما عنده خلفية .. يكون فاهم ومستوعب شو الاطعمة والفواكة والخضار اللي لازم مريض السكر ياكلها وشو الاكل اللي لازم يبعد عنه …. بالاضافة الى طريقة طبخ الطعام.:1 (4):
بسم الله نبدأ….
بالنسبة لي ما اعرف اسوي وجبة كاملة لفطور او غداء او عشاء بس اعرف اني اخلية ما ياكل اشياء معينة مثل
الجزر
الملفوف
البطاطا الحلوة (الفندال)
العيش عدم اكلة بكثرة ويفضل الابتعاد عنه ..:1 (31):
اللحم الاحمر
بس ممكن تساعدوووني وتقولولي كيف اسويلة وجباته بالاكل حتى السوق بروح اشتري انواع معينة من الخضار اللي تنزل السكر وايد عشان احطة بوجباته:22 (18): !!!!!
انتظر المساعدة واريد اخذ من عندكم ومن خبراتكم يا خبيرات :1 (84):
الفطور : خبز أسمر أو 2 شرايح توست أسمر ، حليب قليل الدسم ( كوب ) ، جبن قليل الدسم أو بيضة
(1) ، مربى للسكري ( 2 ملعقة صغيرة )
و جبة خفيفة : بسكويت مملح (3 حبات ) و اسم البسكوت ( كراكرز ) أو أي بسكوت مملح ، حليب قليل الدسم( نص كوب ) أو عصير لكنور جريب فروت برتقال ( غير محلى ) .
الغذاء : خبز أسمر ( نص خبزه ) ، أرز ( أسمر ) ، خضار مطبوخة ( 1 كوب أي نوع خضار ) ، سمك /دجاج / لحم ( 90 جم ) ، فاكهة مثل البرتقال / الكيوي / التفاح الأخضر (1 حبة ) ، سلطة ( صحن ) .
و جبة خفيفة : نص عصير جريب فروت ( برتقال غير محلى ) ، بسكويت مملح .
العشاء : خبر أسمر ( واحد و نص ) ، سمك / دجاج / لحم ( 30 جم ) ، فاكهة ( 1 حبة ) ، روب قليل الدسم ( ثلاث أرباع كوب ) .
وجبة خفيفة : 1 كوب حليب قليل الدسم و بسكويت مملح .
و إن شاء أكون أفدتك في هذه المعلومات و لا تعطين ولدك الحلاويات و الكاكاوات و البطاط الحلوة و تحملي تعطينه الآيس كريم وقللي من الجزر و الذرة وورق العنب لا تعطينه لحم بشحمه و لا تعطيه المانجو و العنب و الموز لأنها ترفع ليه السكر و خلي يمارس الرياضة بانتظام ليحرق السكري .
و سلامته ما يشوف شر إن شاء الله
والله تبين الصدق أنا اختي فيها السكري ..
أهم شي يالغاليه الاحتياط ولا تخلونه بروحه ابداً …
انا الوالد الله يرحمه كان فيه سكري .. وماكنا وايد نهتم .. بس الحينه ماتتخيلين شكثر ندمانه أني ما اهتميت في هالمرض الله يبعده عن الكل …. خلانا نخسر أعز الناس .. والاعمار بيد الله تعالى
أهم نصييييييحه حطيها في بالج .. لازم يكون عندكم شوكليت فالبيت .. لأنه لا سمح الله ينزل السكر مره وحده .. لازم تعطونه حلاوه أو شوكليت علشان يرتفع بسرعه ..
ولو حتى كان هو طالع ساير مكان خله يشل معاه فالسياره علبة شوكليت أو حلاوه .. للإحتياط
وإذا ماشي شوكليت .. يشرب غرشة كولا لأنه الكولا فيه سكريات ..بدل الشوكليت يعني
وفيه اشياء خاصة لمرضى السكر تحصلينها فالسوبرماركت مثل الاشياء الي مكتوب عليها suger free .. منها الحلويات والشوكليت والسكر الخاص فيهم …
وبعد لازم تكون عنده موازنه .. يعني لا يكثر من أكل الموالح كذلك ..
وإذا حابه تاخذين معلومات صحيحه 100% تقدرين تروحين لدكتور خاص يعطيج نظام غذائي للوالد الله يحفظه .. وتبدين اطبقينه معاه .. وتعودينه على الأكل الصحي ..
اتذكر ربيعتي فيها سكري كان دايماً ريوقها خبز أسمر مع جبن وغداها عباره عن نصف دجاجه مشويه و علبة روب ..
ان شاء الله اكون افدتج يالغاليه 
والسمووحه
انا دكتورتي عطتني جدول لشهر كامل بنظام غذائي للسكري
والنظام هذا المفروض اطبقه بعد ماسويت تحليل السكري للحمل
بس النسبه كانت وااااااايد بسيطه ف اعتقد مايفرق الجدول بين
نظام الحامل والمريض العادي لاني اشوف نظام الاكل في الجدول
وايد اوكي ومفيد يعني كله اكل صحي
ف اذا بغيتي الجدول قوليلي علشان اكتبه واطرشه لج ع الخاص
الله يوفقج ويعطيج لاصحة والعافية وما تشوفين شر
………………………………………….
شيخة الحريم مشكوووورة الغلا هالمعلووومة صدق ام كنت اعرفها ان ممكن ينزل فجاة عنده السكر مع انه من مرضى السكر اللي يوصل عندهم ل 400 وطالع .. وانا حاطة ببالي اخلية يشوف دكتور ويعطية جدول كاامل ولو بالغصب يمكن اتهزا ويعاندني بس بستحمل .. 
………………………………………….. …
ملاك_002 الله يبعد عنج كل سوووء ان شاء الله .. وبخصوص جول الاكل عطيتيني فكرة اني اسوي شرااتج الصراحة بس ابا الدكتور يشوفة شخصيا لان الوالد السكر عنده واااااااااايد يعني مب خفيف
وكله مشغوووول فاريد الدكتور يعطية من ضمن احتياجاته ومع مراعاه الوزن والطول وغيرة والعمر بعد
………………………………………….. ……
الحمدلله البنات فيهن خير مع اني كاتبة الموضوع من زماااان بس ما توقعت ان حد يرد علي
يزااااااااااااااااكن الله الف الف خيييير ويعطيكم الصحة والعافية وما تشوفون مكروة بعزيز
الغالية اهم شي ما تحرمونه من اللي يبيه لانه بيسير بياكل بالدسة وبكمية كبيرة
لان اللي فيهم السكر يوم يمرضون يحبون الاكل اكثر وايوعون واااااااايد
وابهاتنا اكلهم كان تمر وعيش وهالشيئين مضرين وما يرومون يستغنون عنه فعطوه بس بكمية قليلة
ومشكورة إختي ضاوية على النظام الغذائي سلامتج والله يعافيج انشاالله ويبعد هالداء عنج
والسمووووووحه ……..