مشكلتي وبكل إختصار إنه عندي قدرة في حل المشاكل الزوجية وعندي فهم كبير في فن التعامل مع الزوج وتقدير الحياة الزوجية ..
رغم إني مب معرسة..بس مخطوبة ..وما أنكر وأعوذ بالله من كلمة أنا ..إني ساعدت وايديات في حل مشاكلهم الزوجية وصارت حياتهم مع أزواجهم أحسن ما يكون بفضل الله سبحانه وتعالى وبسبب قرائتي وخبرتي …
تيي المشكلة إني لو رابعت أي بنت أقدر ظروفهم وأقول إني لازم أساعدها..وأعطيها الحلول ..وأكون متابعة أول بأول وخطوة بخطوة إذا كانت إيجابية أو سلبية..وعقبها لي صارت أوكي تنتهي الصداقة ..لو كنت إستتشارية بقول إنها إستشارة لا أكثر ..ولا المشكلة تكمن إنه اللي تستشيرني هيه ربيعتي..وعقبها يلا..تنتهي من تنتهي المشكلة..قررت إني أنهي هذه الإستشارات والمساعدات..وقلت لربيعتي خلاص أنا مليت ..ومابا أعطي أي وحدة أي إستشارة..
اللي قهر بي إنه وحدة منهم قالت لي..إنتي خرابة بيوت … والسبب إني قلت لها..خلي علاقتج في ريلج زينة..
كتبت وأنا مقهوووورة من حركات…السخيفات اللي عرفتهن
هذي ميزة جميلة ونعمة من الله عليج ولازم تستخدمينها زين
احتسبي أجرج عند الله واما البشر فلا تتريين منهم أجر .. صحيح فيه من يقدر ولكن بعد فيه اللي يحبط
تذكري دائما هالميزة اللي عندج انها قيـّـمة وكثيرين يتمنونها
اقولج افتحي مكتب استشارات أسرية 
هل تتوقعين إن الكل بيفرح لج
لا حبوبه…في ناس ان شافوا نعمه
على غيرهم حسدوهم
وانتي عليج بنفسج…لازم اتحطين في بالج
حالياً إن هذا اللي عندج حق ناس تستحق وبس
مب كل من هب ودب عطيتي نصايحج ترى مب كل
ناس تقدرج…وسبحان الله في هالزمن التقدير مات
مثلاً عندج أنا عندي القدرة أحل بعض المشاكل
بس مب مع أي حد…لـــي أختي من أمي أبويه
وهي من نوع اللي ما تقدر رأي حد..ياما خواتي ساعدوها
ومن عرست وعندها مشاكل مع زوجها…صح نحن نبى انساعدها
بس نعرف إن نيتها مبيته..وتشتكي واايد ما انقول لها غير الله يهدي
ريلج ويسخره لج…وأكثر من جذيه ما انقولها…لأنها بتقول حقنا
انتن خرابات بيوت…ونحن ما قصرنا فيها…بس شوه بنسوي
مع شر النفوس..على فكره لي أختي ثانيه شراتج…بس تعرفين شوه سوت
كانت اي وحده تبى استشارة أو مساعده وتعرف هالحريم
ما وراهن خير…كانت اتيب حصاله..اتقول درهم حق الاستماع
ودرهم ثاني حق حل المشكله…صراحه طلعت اذكى منا
مب كل وحده من الحريم تقدرج…ووسعي صدرج
وأصابع يدنا مب سوى