قد تختلف بين الحمل والاخر

قالوا .. وقلنا .. وفعلاً احترنا ..

اختلفت الأقاويل والعلوم عن معرفة جنس الجنين في الشهور الأولى من الحمل ..
في امور مشتركة .. وفي امور متناقضة كلياً ..

رغم ان احياناً يكون للام أكثر من تجربة حمل و ولادة ..
إلا ان ( الأعراض ) قد تختلف بين الحمل والاخر ( رغم تشابه جنس الجنين )

—————————————————-

قالوا:
إذا كان شكل بطنج عريض ومفلطح ومنفرش وساير على الخواصر = بنت ..

وقالوا بعد:
إذا كان إمدوّر ومرتفع = بنت ..

وقالوا:
إذا اسمرّيتي وكان ويهج مصفر وداكن = بنت ..

ثم قالوا:
إذا كان وحامج شديد ودوم حاسه بدوخه ولوعه = بنت ..

وعقب قالوا:
إذا حبيتي الحلويات وكلتيها بشراهه = فيج بنت ..

وبعد قالوا:
إذادختي الشهر الرابع ومول ما حسيتي بحركة البيبي = بنت

وقالوا:
إذا زادت نسبة الافرازات عند الام = فيها بنت

وقالوا ايضاً:
إذا حسّت الحرمه بـ ويع في وسط المثانة = بنت

قالوا:
إذا حطيتي إيدج أسفل منطقة البطن وحسيتي بوجود شي إمدّور = بنت

وبعد قالوا:
إذا كان الخط البني اللي اسفل البطن على شكل خط مايل = بنت

ثم قالوا:
إذا خف الشعر في جسمك = بنت

—————————————————-

وقالوا:
إذا كان شكل بطنج طويل وبارز جداً ونازل على جدام = فيج ولد

وقالوا:
إذا إحلوّيتي وكان ويهج مشرق وحيوي = ولد

ثم قالوا:
إذا كان وحامج خفيف ومول ما حسيتي فيه = فيج ولد

وقالوا:
إذا صابج صداع طول فترة الحمل = يعني انه حامل بولد

وعقب قالوا:
إذا حبيتي الموالح وكلتيها بشراهه = فيج ولد ..

وبعد قالوا:
إذا حسيتي بحركة البيبي في نهاية الشهر الثالث = ولد

وقالوا:
إذا كانت نسبة الافرازات قليلة عند الام = فيها ولد

وقالوا ايضاً:
إذا حسّت الحرمه بـ ويع على يمين وشمال المبايض = ولد

قالوا:
إذا حطيتي إيدج أسفل منطقة البطن وحسيتي بوجود شي طويل من الصبع بالعرض = ولد

وبعد قالوا:
إذا زادت نسبة نمو الشعر في جسمج، ولاحظتي انها زادت في منطقة البطن = ولد

وبعد قالوا:
إذا كان الخط البني اللي اسفل البطن على شكل خط مستقيم = ولد

وقالوا:
اللي ينزل عليها دم خفيف مع بداية شهور الحمل = ولد

—————————————————-

نتمنى كل وحدة تذكر تجربتها الشخصية عن:
اعراض الحمل وعلاقته بجنس الجنين

1) شو سالفة الخط البني اللي في البطن، وهل لونه ودرجة ميلانه لها علاقة بجنس الجنين ؟
2) تتوقعون لون الحلمه سواء كان غامق او فاتح يعني انها بنت او ولد؟
3) الوحام الشديد والخفيف، يوحي بشي ؟
4) شكل البطن ( فوق / تحت ) ( منفرش / بارز) في الشهور الاولى او الاخيره
5) الحركه ( قوية / خفيفه )
6) النبض مثل الرعشة / رفّة الفراشه ، أو مثل الفقاعات والدقات ..

شو رايكم …
نطلع بخلاصة واقعيه دقيقه بعيداً عن الأقاويل

وكنا نطمح أنه نقرأ تجربتج واللي حسيتي فيه في شهور الحمل ..
لازلنا بإنتظار عودتج وأضافتج يا الغاليه

أذكر مره كنت بالمستشفى
وشفت وحده ( فيها نزيف خفيف ) في الشهر الثاني وجايه تسوي سونار ..
هي مسكينه خايفه وتحاتي ..

والسيستر الهنديه تضحك عليها .. >> مجرمه
تقول: ماما .. مافي خوف .. إنتي مافي معلوم ( blood = boy )

وعاد انا قلت القاعده ماشيه على الكل ..
ما دريت انها ( خن بط ) >> يعني أي كلام!

وأنا بعد شراتج … أأيد هالراي ..

حد يقول:

" البنت تطلع على امها " ..
أن كانت امها راعيه وحام ودوم تحس بالغثيان ..
كانت بنتها شراتها ..
^
^
و لو اني مب مقتنعه بهالقاعده؟
تتوقعين انها صحيحه ؟

و ربي يحفظ لج عيالج ويخليهم لج ..
ويرزقج برهم .. برحمته سبحانه ..