انا كتب موضوع سابق عن رفض اهلي لاي حد يتقدملي .. وانا مطلقه وعمري فوق 30 ..
والحين خلااص قرررت اني اخذ اغراضي واطلع بدون ما يعرفون واتزوج الشخص الي يباني بدون رضااهم لانه خلاص طفح الكيل مش قادره اتحمل اي شي منهم ابداااا كله يعايروون انتي وانتي وخواتي الي اصغر مني يتحكم فيني ويواشن امي علي وااايد تدعي علي وااايد معني ولله ما اقولهم شي
انا لي احساس فكرررت وااايد بالموضووع ما لقيت غير هالشي ..
انا لي حريتي فكل شي بس تجريح الزمن علي يكفيني … انا قررت اختفي بعرس وحطهم بالامر الواقع عناااد فيهم …حشا يهال في بيتنا لهم كلمه الا انا.. ليش لاني مطلقه كل الناس اطلقت موب جيه عيشتهم …
الي خاطبني من دوله خليجيه وماشالله ميسور الحال ولد نااااس .. انا موافقه اخذه لاني لي الحريه بكل شي وسني كبير حتى لو اهلي رفضوووو .. حاولت كل الحلول بس ماشي فايده كل حد ادخل فموضوعي بعد ماشي فايده عمري يمشيي ومحد حاس انا خاطريي بعيال انا كبيره لو ما يبت عيال الحين متى بيبهم ..
يوم اموت مثلاااا ..
الي عندها كلمه تجرح ياليت تخليها لنفسها لاني مافيني على هالكلام …
هذا الي عندي ..
والله أحمد ربي مليون مرهـ ع الـأهل آللي آلله رزقني فيهم آلحمدلله شور آلزوآج بإيدنآ . .
أكبر وحدهـ فالبيت اختي عمرهآ 21 ويآ كثر مآ يووهآ خطآطييب والله مآ يرمسون بالسآلفه إلـآ إذآ هي رمست
وآفقت حيآهم مآ وآفقت مآلهم نصييب . .
وأنتي أهلج لـآزم يفكرون وبعدين لـآ أنتي أول وحدهـ بتكونين مطلقهـ ولـآ اخر وحدهـ والدنيآ مآ بتوقف ع آلمطلقه .
صلي أستخآرهـ فديتج قبل لـآ تخطين أي خطوهـ وربي يسسر أموررج ويرزقج بالذريآت آلصآلحه ويوفقج ويوفقنآ
دنيآ واخرهـ . .
كيف بتشردني وبتعرسين ؟!!!! احنا مش في امريكا!!!!
حاولي تقنعيهم او دخلي عمامج بسالفة ….
بكره اذا عرستي من دون شور هلج .. ريلج مابيكون فيه خير فيج .. لانه انتي بتكونين طالعه من شور هلج ! وشارده! ع بالج بيحترمج .. مع الايام بيضحك عليج ومابيحترمج .. ولا تبحصلين ظهر وسند .. لانج تخليت عنهم (اللي هم هلج ..)
الريل يتعوض .. لكم الاهل مايتعوضون … فكري بعقلج موب بقلبج ..
اكثري من الاستغفار ودعاء باخر الليل .. وان شاء الله اهلج يوافقون عليه بدون سالفة الشرده ..
الله يعينج ويرزقج عاجلا غير اجلا …
او يطلقج لا سمح الله لمنو بتلجأين
اهلج ع غلط
حاولي تدخلين حد من اهلج عمامج
خوالج بسالفة
والله كريم
الله يهدي أهـلج ,, ويرزقج الزوج الصالح والذريـه الصالحـه
الله يهديهم ويوفقج ان شاء الله