اولا سوف اقول لكم ماهي قصتي انا عمري 22 سنة وزوجي يعاني نقص في عدد الحيونات المنوية المهم ينا لندن علما انا للحين في لندن لكن اعيش بمنطقة بعيدة عن لندن وكل موعد اروح لندن لساعتيين لكي اصل المهم مابي اطول عليكم سويت العملية بعد اسبوع من تجيع الاجنة طبعا حطيت واحد فقط لانة الدكتور نصحني بذاللك المهم بعدها دشيت المستشفى لمدة عشرة ايام مابين خمس بالمستشفى القريب منا وبتالي اخذتني الاسعاف الى مستشفى اللي في لندن طلع اني في ماي كثير من الابر التفجيريية شقوا بطني وحطوا انبوب واللة تعبت كانت امي معاي ياية من ديرتي الحبيبة وكانت تبكي بكاء علي اللة يخليلها يارب المهم طلعت حمل استانست ونسيت العوار اللحين المشكلة انة لما خذوا البويضات طلع مكانهم اكياس كثيرة مادري سالت الدكتور يقول عادي المهم انا احس بتعب كثير علم توني انا ياة بالثاني او الثالث مادري انا بكم اللحين بس امي طبعا ارجعت بعد ماطلعت من المستشفى اللحين بسال هل النفسية لها دور معنة زوجي معاي بس امي واهلي بالكويت وانا بلندن للحين وتعبانة واهني مستشفياتهم مو نفسنا احنا بالخليج اذا انا فيني مزكومة ابي قطرة للانف مارضوا ابي شي للوعة وذبحني الترجيع مارضوا ادعولي اقوم بالسلامة واللة يهون علي بالحمل وان اللة يثبت الحمل يارب ماتدرون شكثر تعبت واللة وشكرا اسفة اني طولت عليكم
أول شي أهنيج على الحمل وأقولج مبروووووك الله يجعله من مواليد السعادة يارب.
وسؤ الج عن النفسية … هي النفسية لها دووور في الحمل , والحامل كلما كانت نفسيتها تعبانه أثر على الجنبن …
فأنا انصحج بأن تأخذين الأمور ببساطة , الحمدلله الحمل وحملتي … والمطلوب منج أنج تستحملين شوي الوحاام , صح انه تعب لكن كل شي بأجره ….
وحاولي دوووم أنج تستغفرين الله وتذكرينه في السر والعلن وتدعينه أن يجعل المولود صالح وبار فيكما
وتدعين أن الله يسرعليج الحمل والولادة …..
اتصدقين أنا من كثر ما دعيت الله عزوجل أنه ييسر لي الولادة في بجري , الصراحة ولدت ولادة
يسييييييييييييييييييييييييييييييرة والحمدلله …..
وبالنسبه للتعب اختي مافي شي يجي بالساهل وكل شي يهون من اجل طفل واحد يملى عليكم داركم وباذنه تعالي يرزقكم بالولد المعافاه وبالذريه الصالحه يارب
واشكرج اختي زهرة الربيع واللهم امين ,واللة يرزق كل محتاج يارب