طبعا في الشطر الثاني كنت كاتبه اسمها بس شليته وحطيت بدله اسم العروس
وحتى في بيت من الشعر شليت اسم العائلة وحطيت نقط …… كنت كاتبه اسم العائلة
(المعاني والمفردات)
تعبت أدور لج معاني ومفردات
لقيتج يا العروس فوق كل المعاني
الحر منج ماخذن كل الصفات
وانت من الصفات رزينة البنات
الصديقة الي معاهدتني على الشين والزين
والي بفكرها يصبح القلب رايق
الصديقة الي لها في قلبي مكانة غير ماتتصورها
مكانة فوق المقام
لو اكتب فيها الشعر والكلام
ما اقدر اعبر لها عن الي في البال
صوتها اذا تكلمت كأنه الجبال العاليات الراسخات
ضحكها كانها ورد وزهر وبراءة اليهال
من طيبها الواحد يجيها من آخر البلاد
من دار بو خليفة جيتها لأحضر الزفاف
زفاف عروسة وملاك ليلة الجمال
ليلة من ألف ليلة
تمشي في مشيتها غزال المها في صورة انسان
لي ناظرت الناس نظراتها تسوى اليميع
وعيونها لا رمش هدبها سبحان خالق الناس
من جمالها سمو ماشاء الله يا الحاضرين عليها
وسبحان من خلق هذا الجمال
ماشاء الله عروس في صورة ملاك
هاي الليلة من اجمل ليالي العمر
والله يهنيج بهاي اللية ويسعدج
وانا من داخلي اتمنى لج توفيق من خالق الكون كله
يوفقج ربي وياه العريس شيخ الاسياد
في هاي اللية وباقي العمر وياه
عمر مديد يحفظج له رب الكون ويخليج
لعريسج فدوة قلبج الي سكن قلب يحب الملايين
ويعشق الواحد يتفداه كل دقيقة وثانية لأجل العروس الغالية صاحبة القلب الحنون
صدق الي اختار عرف يختار بنت تسوى جميع البنات
بنت ملكت قلوب جميع الناس
قمر في السما الصافية ساطع ومنور المكان
هذا قمر جاي من عائلة ……. لين عندكم يحفظكم الله ويصونها بنت الدلال
والنهاية والختام
تعبت أدور لج معاني ومفردات لقيتج يا الغالية فوق كل المعاني
مع تحياتي
الغلا مريم – العين
الرجاء عدم نقل الموضوع في منتدى آخر الا اذا كتب تحت منقول
وينكم ؟؟؟
تسلمين
والله يبارك للعروسين ويجمع بينهم على خير
ولاتحرمينا من يديدج
لقيتج يا العروس فوق كل المعاني
الحر منج ماخذن كل الصفات
والنهاية والختام
تعبت أدور لج معاني ومفردات لقيتج يا الغالية فوق كل المعاني
سوري خواتي نسيت اقولكم ان هذا المقطع للشاعر اعتقد اسمه صقر وانا كملت عليه عشان ما احط في ذمتي
والباقي الي انا