قــــــروض بنك ابوظبي التجاري

شحالكن غالياتي؟؟؟

كتبت هالموضوع عسب اخبركن ترى انا كنت ما خذه سلفيه من بوظبي التجاري

بمبلغ 900000 الف درهم

وكنت ناويه اظهر من البنك واسير بنك اسلامي

بس ما كنت اقدر ادفع الفلوس؟؟ والحين زاد راتبي والحمد لله وكنت ابي ادفع القرض على سنوات اقل لاني القرض كان على 16 سنه

والحمد لله اتصلت بي وحده شاميه(( دوم اتعامل وياها )) وخبرتنيه انه فرعهم مسوي عروض

اونه يقلل السنوات و ويزيد القسط وتقل الفوايد

انا والله وايد اق في البنت بس ابي نصيحتكم هل الشي هذا بيفيدني؟؟؟؟؟؟

وحياااااااااااااااكن الله

ان شاء الله البنات افيدوج للرفع

يسلمواااااا خليده نورتي اللموضوع

الغالية ان كلامها صحيح توكلي على الله

احيد نحن اول ما عرسنا جي سوينا

بعنا سيارتنا و خففنا من المصاريف على اااااااااااخر شئ و سكننا بشقة صغيرة في منطقة غير صحية

عسب نفتك من الديون و دفعناهم و ارتحنا و لله الحمد

و فتح حساب على بنك دبي الاسلامي

الاسلامي احسن بوااااااااااااايد

يعني اول شي حلال لانهم ما يتعاملون بالربا

يعني الشغله اللي مسوتنها بالمبلغ ربي بيباركلج فيها
اما الربا اعاذنا الله منه
فهو من الكبائر واقل الربا ان يزني الرجل بامه ويقول الله للمرابي فاذنوا بحرب من الله رسوله
ولا انت ولا نحن نرضالج بها الشي الغاليه

ثانيا بتقل عليج سنوات الدفع وربي بييسر لج

هم يتعاملون بالمرابحه وتعتمد على قيمتها يعني بنك دبي الاسلامي احيد مرابحتهم 4.25 % سنويا

يعني اذا متسلفه 100000 يطلع عليج في السنه 4250 درهم مرابحله لهم يعني بتدفعين 104250

وهالمبلغ ثابت ما يزيد كل سنه لانه موقع في العقد ممهما زاده البنك في السنوات اليايه بس ما بيزيدونه عليج لانه عقدج ع المبلغ الجديم

اما البنك الربوي لو قالج مثلا 1 % بس كل ما تزيد نسبة الربا يزيدونها عليج لين تشوفين المبلغ وصل خيالي وما تعرفين من وين
( خالي كان متسلف من بنك ربوي وهو من اخطر البنوك في الدوله الله يهديهم قبل 6 سنوات وكانت قيمه المبلغ 250 الف درهم والشهر اللي طاف وصل 590 الف تخيلي وهو يدفع كل شهر يعني كانك يا بو زيد ما غزيت )

وشهريا الينك الاسلامي يسحبون المبلغ من راتبج يعني ما يعطونج فرصه للتاخير وهذا لصالحج
اما البنك الربوي اذا ما بغيت تدفعين هالشهر انت حره لانه هم الربحانين لان الفوايد الشهريه بتزيد عليج وهذا كله في جيوبهم

هذا الشرح المبسط اتمنى اكون افدتج الغاليه

بس بطلب منج طلبين الاول انج تستخيرين ع البنك واسالي كل البنوك الاسلاميه الموجوده عن نسبة المرابحه وكم الحد الاعلى من السداد الشهري واللي تشوفين مرابحته اقل و نسبة السداد اعلى توكلي على الله واستخيري وحولي اوراقج عندهم

ثاني شي اللي اعرفه انه نسبة السداد ما تتعدى 60 % من الراتب فاذا كان راتبج 20240 فهم بس بيسمحولج بتسديد 12017 شهريا انا اشوف انج تظغطين على عمرج وتدخلين جمعيه ب 3000 وبتحصلين في السنه من 36000 يعني في 3 سنين 108000 يعني 12 % من جيمة الدين وهاي نسبه حلوه

الغاليه بشرينا بانتقالج الى الحلال واذا تبين اي مساعده اختج حاضره

المشاركة الأصلية كتبت بواسطة ابتكار