قلبي مع الأول بس مترددة

السلام عليكم

بصراحة اليوم مول ما ياني رقاد من التفكير و احس شوي بطيح ع الكيبورد

الله يسلمكم اسمعوا سالفتي لان مالي حد استشيره و وايد استحي من خواني و اهلي و ربيعاتي اقولهم مشاكلي

انا تقدم لي شخصين و محتارة وايد .. قررت ها المرة افكر بعقلي ما ابغي افكر بعواطفي

انا دايما ارفض اللي يخطبوني لاني ما اكون مرتاحة او اخاف من الزواج و خلاص احس عمري يمر و اخاف القطار يطوفني

الريال الأول:

شخص أحبه …. أكبر عني … دارس و متعلم .. يصلي و خايف ربه .. زين .. طيب .. خلوق مؤدب .. عيبه .. متزوج وعنده عيال .. حرمته رمستني قالت أنا موافقة .. تعامله راقي مع عياله ومع زوجته ..

بإختصار كامل و الكمال لله بس عيبه متزووج ؟؟ وهو مواطن ..
شرطت عليه : بيت بروحي بس طبعا ما عنده ميزانية انه يشتري بيت وحاول انه تكون شقة بس ما رضيت .. وهذا شرط أهلي بعد ..

الريال الثاني :

ولد يرانا .. كل المواصفات الحلوة فيه .. بس الفرق اني ما احبه .. بس عادي احترمه و اقدره … ما جد سمعت عنه إلا كل خير … كل حد يحبه امايه ابويه اخواني .. خوالي .. خالي رمسني : قالي لو خذتيه بساعدج .. و تبغين اشرطي بيت روحج هو ما بيقول لأ

بإختصار زين و طيب بس عيبه خليجي مب مواطن .. وانتوا تدرون كيف رواتبهم ؟
بس كل اهلي يحبونه و خالي قال بساعدج بأي مبلغ تبغينه .. وقالي لو يوم من الايام غلط ف حقج نحن كلنا وياج يعني بالعربي ما بيقدر ع زعلج ..

محتارة محتارة قلبي مع الأول بس محتارة وايد

اخاف اتزوج الأول و اتبهدل معاه و لو سرت لاهلي بيقولون هذا اختيارج ؟

واخاف أخذ الثاني و قلبي مع الأول واظلم الريال وما اعطيه حقه !! و عقبها تزيد المشاكل بينا ؟ و مترددة لانه خليجي ؟ وصار لي سنين احب الأول وبعدني اتريى لاني والله يا بنات ما اقدر ارتبط ف حد ثاني مب متخيلة !!!!!