قولولي الصدق

ماعرف كيف اخبركم بموضوعي … هو عباره عن خوفي من الولاده

دايما افكر كيف بربي … كيف بيكون هاليوم ؟؟؟؟ شو نوع العوار إللي بييني ؟؟ كيف بتحمل ؟؟؟ هل

بطني إللي بيعورني ؟؟ ولا ظهري ؟؟ ولا راسي ولا شي ثاني ؟؟؟ بتحمل العوار ولا مابقدر .. هل العوار

بيتم وياي كم ساعه ؟ او كم يوم ؟؟؟ شو بيستوي فيه هاليوم ..من عوار وآلام والخ …. هل بقدر

اتنفس ولا

بييلي ضيق تنفس وما بقدر اتنفس ..؟ الياهل كيف بيطلع من مكان ضيج ..؟ الياهل نفسه كيف بيتنفس

وهو في مكان ضيج … كم ساعه بيتم في مكان ضيج لين مايطلع بيتحمل ولا لا …؟ وإذا لاسمح الله

قالولي قيصريه …كيف بيكون إحساسي …؟ هل العمليه بتنجح ؟؟؟ هل انا بعيش ولا يمكن اموت …..

( استغفر الله ) ماعرف ليش كل هالوسواس والأفكار الشينه تي ع بالي ..( وكل افكاري سلبيه ) ساعات

احس بإختناق على كل عوار اتم اصيح ماروم اتنفس.. من فتره كنت راقده ونشيت الصبح وياني

إحساس إنه ايامي

معدوده ..اقصد في نفس يوم الولاده احس انس بموت –كنت راقده وفجأه نشيت من الرقاد وحسيت

بخنقه حسيت اني قريب بموت ..( يوم الولاده ) .. بتكون آخر ايام فيها اشوف امي ومابقدر

اشوف وابوي واخواني وخواتي مره ثانيه ..حسيت بعد 3 شهور بتكون نهايتي ماعرف ليش جذيه افكر

من غير خوفي من عذاب القبر والموت والظلام ……الخ ماعرف ليش انا جذيه …؟ وشو الحل

يمكن لاني حملت من بعد ثاني اسبوع من زواجي وانا ماكنت مستعده للحمل …او يمكن او.. او … والله