كدمات في جسمي!!

السلام عليكم

اعاني من وجود كدمات في جسمي .

وهذي الكدمات تكون سودا وعنابي وخضرا ومكانها مؤلم .

شو اسباب هذي الكدمات .. للعلم ما اتعرض لأي ضربه او طيحه ..

بصراحه وايد مستغربه .

روحي عند مطوع ثقه يقرا عليج اختيه .. يمكن فيج شي

بسم الله الرحمن الرحيم ,, لا تخوفيني

ما يبالها مطوع ولا هم يحزنون ،،،

مرات يمكن وانتي راقده دعمتي شي بدون ما تحسين أو أثنا ما تمارسين حياتج العادية ،،
وهي كدمات وتروح ،، انا مرات ينكسر ظفري وماعرف إلا عقب انتبه انه انكسر وهلم جرا ،،،

اذا حسيتي الكدمات زايدة ومنتشرة بشكل كبير هني راجعي الدكتور بس اذا كانت مجرد بروز وكدمة بسيطة تختفي
أمورج طيبة

انا قريت بمقال طبي ان نقص احدى الفيتامينات يسبب بقع مثل الكدمات .. حتى احيد بنت اختي قبل ريولها كدمات الوان واشكال وما كانت اطيح ولا شي

ما اعرف الصراحة
ان شاء الله حد يفيدج حبوبة
للرفع

أختي روحي للدكتور وسوي تحاليل ,مرات تكون في مشاكل في الدم أو الكبد أو حتى في الأوعية الدموية, ومرات يكون بعض الأدودية تسبب سيولة في الدم مثل الأسبرين وغيره, ولا تنسي أختي وأثناء الدورة الشهرية نكون أكثر قابلية للنزف, وبعد نقص بعض الفيتامينات مثل فيتامين كاف , وأحياناً مايكون فيه سبب واضح, فأحسن تروحي للدكتور وتتطمني, ربي يشفيج أختي.